今日搵到宿舍喇, 係住近中國妹佢地個邊, 真可惜!! 因為個度離學校比較遠, 而且感覺治安唔係咁好咁 (因為我識既其中一個中國妹就係條街度, 傾傾下電話比人搶左部電話).. 但已經無其他選擇, 所以平平地 (一個月先124euro仲可以申請房津), 小心d地住喇.. 反而最開心係中國仔, 因為住近佢, 可以之後share上網同食飯 (哈! 佢屋企搵人送左個電飯煲比佢, 但佢根本就唔煮野食, 都係黏餐, 咁我就可以用佢架喇…) 反正我都無咩所謂, 如果之後又係同一班亦都可以一齊返學, 有人陪下都好.. 不過, 我都要講句, 中國仔有個未婚妻, 我唔會同人爭, 佢亦都唔係我杯茶, 大家唔好亂諗.. hee
話說房東都會搬家, 佢同我講月底搬, 但係個廳而家只係剩反個電視 (唔知係咪留比我睇電視), 但係無得坐 (因為其他野已經吉哂), 我每晚入去睇電視都要自己擔凳仔, 煩.. 我又唔想白蝕比佢, 點都住到22號, 唔係都20號先搬.. 但見間屋吉成咁, 都住到好無癮…
No comments:
Post a Comment