2007回顧

我知係早左D, 但要係仲可以上網時寫定... 反正都無幾日喇...

07年有喜有悲:

最悲痛既都可以話係比人偷左部電腦同IPOD.. 到而家都仲滴血中...

最開心係有朋友仔黎L.R. 探我, 聖誕唔洗一人過.. 而且今年識左好多新朋友, 大家都好NICE, 有時都唔覺得自己係孤單地生活係法國...
另外, 又去左好多一直想去既地方玩, 多謝各方好友相陪..
當然唔可以漏左波士同蚊, 無你地我既日子會更難過..

展望08年, 希望可以順利畢業, 搵到份好既實習.. 生活愉快..

我地2009香港見 (如無意外!!)

早呀..

而家係呢邊5:50AM, 唔係特別早起, 而係根本成晚無訓..

話說朋友仔佢地買左晨早5點幾火車北上巴黎, 所以佢地決定唔訓, 食完飯就去左BAR飲酒.. 仲為左一定要去DISCO, 連走3間BAR, 只為等DISCO1點半開門... 其實我真係一D都唔鍾意.. 又大煙臭到死, 又要同酒鬼一齊.. 但佢地難得最後一晚係L.R. 都只好捨命陪君子...

返到家, 換過D床單之類後又唔眼訓喇....

聖誕快樂!!

如題, 今年同2個韓國妹一齊過..

聖誕日之前, 我地個鎮已經開燈結綵, 好靚..


擒晚食完大餐之後 (買左好抵既生蚝,7E有36隻.. 鮮甜味美.. 仲有大蝦.. 正!!!), 本打算去市中心既BAR飲野COUNT DOWN, 但竟然全部都唔開.. 最後我地係去左大教堂睇人做聖誕彌撒, 都係第一次平安夜去教堂..

McDull Christmas Tree 麥兜 聖誕樹 KTV

考完試之後..

放假喇..

返埋今日學之後, 就開始放聖誕新年假及SEM. break, 到1月14號再開學..

好悠長既3星期假.. 聖誕會留係L.R. 因為會有韓國朋友仔黎.. 之後1月去巴黎幾日, 但原來我係大減價開始之日就回來.. 天呀.. 都好既, 唔會大洗 (應該)..

另外, 搞左2個星期既搬屋事件, 終於.. 我唔搬喇..
總之因為呢樣個樣既理由, 結果係不變喇..嫌太煩..

所以, 大家照反原有地址, 寄聖誕新年禮物/新年利是/情人節/復活節/生日禮物都無問題喇....
哈哈...

剪頭髮..

由於受唔住法國師傅幫我剪既平腳, 所以只好自己再加工..

雖然係剪左我想要既layer, 但好似短得濟.. 令到個頭好圓...

好在都一致好評..

我可以開業做髮型師喇...

新嘗試..

呢2日做左幾樣新嘗試..

第一次係法國搵屋租.. 真架! 我之前都係經學校介紹或住宿舍, 都唔洗自己週圍搵.. 但由於出年會同韓國妹合租, 所以呢2日不停打電話, 問街道/睇屋.. 如無意外, 出年就會搬, 到時可能無而家上網咁方便..

第一次係L.R. 剪頭髮, 之前係PAU都拎較過法國人既手藝, 但由於唔洗錢.. 所以都去左剪.. 2側都可接受, 只係後面平腳, 但經我修一修, 問題都不大...

第一次食及整韓國料理既魚仔.. 好好味.. 仲又食又拎... HEE

總之定左新地址會再通知大家.... (又搬..... 攰..)

大新聞..

哎呀!!!

我今日先知原來同我做左個幾月既沙特人同學.. 佢係沙特皇國皇子呀....

佢成日都會坐我隔離, 又請我地D女仔食糖, 朱古力, 特產等等, 我只知佢好有錢(因為著既都係名牌..)但完全無諗過, 我會識到個皇子呀... 好 勁 呀!!

但最可惜係個法文班已經上完喇, 下星期只係考試, 佢又唔洗考(斷估..) 徒哂呀.. 我今日先捉住個職員話佢唔早D同我講.. 我會用盡我既魅力(雖然無咩..)去親近佢.. 咁下半世就無憂喇...

黑社會英文.. (無敵勁爆笑..)

I know your mouse.
我識你老鼠 ！

You call me how to come out and walk in the future?
你叫我以後點出o黎行？

I give you some colour to see.
我俾D顏色你睇！

If you have enough ginger,put your horse to me.
如果你夠薑的話就放馬過o黎！

Monster of blowing water.
吹水怪。

Blow chicken
吹雞

I blow chicken to beat your group of the guys.
我吹雞打你班友 。

Face green green
臉青青 。

You see road carefully
你小心睇路 。

Are you road?
你係唔係路呀?

How senior are you?
你算老幾?

What the water are you?
你係乜水?

Do you big me?
你大我呀?

Zebra chops people
班馬劈友 。

Do the world
做世界 。

Big tea rice
大茶飯 。

What the ghost are you talk?
你講乜鬼?

Cut my head and let you sit on it as a chair.
批我個頭俾你當凳坐！

I give you only a hair.
我俾條毛你！

Do you think me didn't arrive?
你當我無到?

Wear grass
著草

I am wearing grass.
我著緊草。

I fear that you have teeth.
我驚你有牙！

You have not enough class to talk mathematics with me!
你未夠班同我講數！

What the spring do you do?
你做乜春?

Measure water/Pound water.
磅水

A dragon service.
一條龍服務

Hold hold water.
楂楂水

病了..

呢2日終於都比感染喇..

其實上個星期開始, 我地法文班已經好多人病, 由老師到同學仔都有... 但最過份係佢地打乞嚏唔"暗"口, 細菌滿布... 所以終於中招... 唉... 食左藥, 仲好勤奮地上堂上到2000... 都算係咁.... 但好攰...

另外, 我拎到正式長居証, 之前咁鬼煩, 我仲以為會搞好耐.. 呢下又估佢唔到... 點都好, 總算煩少樣..

p.s. 香港已經06/12, 祝美玲生日快樂..

煮野食..

最近交完功課, 個人好無聊.. 所以開始睇下有咩食譜係呢度都可以整到..

原本只係打算搵"紅豆糕"點整, 因為又要大食會.. 又要整地方小食.. 好無聊, 真係想整菠蘿腸仔就算... 但係WEB度搵下睇下, 見到好多好野食... 想返去食食食呀...

今期係豆腐薯肉餅, 第一次整都估唔到幾好味.. 果然有煮野食既慧根..



呢排諗左好多野, 其實有好想野想寫, 但一對住個BLOG, 又好幾次都寫唔落手..

2008快D到喇...

麥記

呢2 日為左趕功課, 足不出戶, 食左好多餐公仔麵... 厭....

好懷念係香港可以三餐都幫襯麥記, 唔洗自己煮... 但呢邊係貴到你唔會入去, 一個MENU可以係香港食到3個...

想食想食想食... >.<

做完喇....

總算將所有功課做完喇... 真係離譜, 只係佢一科都有萬七咁多既功課, 過埋星期二既present, 咁就萬事大吉喇.....

朋友仔..

最近因為要做功課既關係, 麻煩左好多朋友仔, 多謝哂...

唔知係咪因為咁, 令我呢排成日發夢同香港既朋友仔去街, 去睇煙花(CST一年一度活動).. 真係好懷念一齊既日子..

之前有日發夢, 我聖誕返左香港, D朋友仔竟然討厭我返得太密... 好傷心地醒左...

希望明年有機會回來吧.. 到時唔好討厭我... 哈哈...

夜浦

大家都知我係一個唔鍾意夜浦既人.. hohoho

但擒晚(星期四)為迎國際學生, 所以我地有個小型party係市中心既bar度搞, 但竟然係夜晚10點半開始.. 星期五仲要上堂, 所以一直我都無打算去.. 反正唔係我杯茶..

之但係, 因為個活動係比國際學生, 而搞手又搵左個法國學生同你一對一地令你了解法國, 故此都無奈地去了.. 但成晚要係好噪既BAR度同人傾計, 吸二手煙, 真係好想快D走.. 不過, 以我既為人, 當然係留到最適當時間先走.. 01:00先可以走人.... 今日又喉嚨痛又超眼訓...

不過, 都好彩有回報.. 因為我係第一個搵到我既法國學生partner, 所以我竟然有份禮物同一張免費剪髮coupon.. 而問題就出現喇.. 我應唔應該用呢, 我已經拎教過呢邊既飛髮技巧, 偏偏我咁岩又打算要剪髮(自己), 但唔洗錢喎!!而家又唔洗自己去洗個廁所(當剪完後..), 1516中..

呢SET杯都幾靚, 我parnter係6 set espresso杯..

p.s. 但一諗到要返香港就......

近況

先要講下法國國情, 由於法國總統要推行新退休改革, 基於太多公務員(主要係)反對, 所以而家三不五時都會有罷工, 好似火車/劇院/電力公司/郵局等等, 都陸續地罷工中.. 加上好似因為要改革大學(總之係唔想比錢), 而家都有好多大學學生哥係度罷課, 但大部份都係公立大學, 我呢D私校係無影響, 我呢個鎮都算幾平靜, 但舊鎮間大學而家就停左課, 仲幾亂下..

另一樣就係呢度開始越來越凍, 呢2日早上都係零下2-5度.. 由於電費係另外交錢, 所以都一直唔捨得開暖氣, 但呢2日都頂唔住, 豪比佢.. 好彩朋友仔寄來既冷帽岩岩趕得切.. 早上返學時真係超有用... 呢個星期已經見過2次有人著巫師袍, 好有harry potter feel , 咁樣我咪係麻瓜囉!!??

見朋友仔個BLOG寫到"法國人春天戀愛, 夏天放假, 秋天罷工, 冬天過節".. 佢地真爽!!

感動..

一口氣收下2個包裹... 真係好感動, 因為大家仲記得我鍾意D咩.. 真係無諗過會收到, 但超高興!!!!

我會係呢邊加油同奮鬥..

食豆腐

我愛豆腐..

呢度D豆腐好貴.. 但由於太想食, 所以都豪左比佢..

今日終於都煮左佢黎食.. 好香既豆味, 好有食豆漿既感覺.. 感動呀...



另外, 之前都煮左西米雪耳.. 但D雪耳好多蟲蟲, 我已經唔想再掂喇..



快樂其實好簡單.. heee

想和你去吹吹風

好"娘"既標題.. 但真係第一個諗法..

每個月既第一個星期日, 法國既國立博物館或美術館都會免費開放, 所以都同同學仔去趁熱鬧.. 因為要等自然博物館三點開門, 故此先出去附近既公園影入秋既景色.. 靚就靚, 可惜個天突然轉陰加翻風(明明出門好好天..), 結果就係個公園度吹...風...

到後來入到去個自然博物館, 我都已經無咩心機睇, 都係好多動物標本咁.. 好在唔洗錢..

至愛既銀杏樹
轉紅既楓葉

成個公園都紅紅黃黃咁.. 好靚..

p.s. 呢邊已經轉左冬令時間, 而家係慢香港7個鐘.. 好早就天黑, 令到夜晚時間好長, 好無所事事..
　

隱蔽青年..

整整一星期的假期, 只有星期二及三出門, 一來天冷, 二來要做功課, 三來11月可在家上網..

所以都是躲在家避世......

之前讀法文班真係太嘆喇...

屋企電話下集

我終於都換到個新電話喇..

話說我擒日去換電話, 本打算只係換條斷左既電話線, 但阿叔見到咁, 就2話不說地拎左個新既(係個盒度拎出來的).. 連阿叔都認得我, 話我黑仔..

P.S. 萬聖節快樂!!

屋企電話

各方友好.. 唔好意思!我相信應該有朋友仔曾經打過來我屋企電話(我今朝就係比電話嘈醒..)

但我個電話係唔WORK架, 因為目前只係我聽到對方, 但對方聽唔到我把聲.. 對不起, 徙左你地D電話費, 但我已經發現係條電話線有度地方斷左, 我會呢2日搵人幫我換左佢.. ^ ^

至於上堂方面, 我會用平常心去上堂, 為左順利畢業, 我會加油!! (沈同學, 唔好咁快打沉我..另外, 都多謝大家既鼓勵!!)

P.S. 之前收到朋友仔係澳洲寄比我既POSTCARD, 好感動! 因為好耐無收過手寫既野.. ^ ^ 大家都寫D野比我吧!!

怪獸呀..

自從早2日係學校成功上網, 今日竟然唔得...

唔得就只好係屋企上(諗住慳反D上網時間都唔得..), 點知係屋企竟然都上唔到.. 最後發現係firefox用唔到, 要用反IE先得, IE仲load得慢到死.. 點算呀.... 要點先得返個firefox??

另外, 話說下星期有一個星期既假期, 仲諗住有得休息下.. 但竟然功課多到我都怕做唔哂.. 加上同個prof傾左個thesis 既方向, 學習方向等等, 出年真係忙死加超充實 (用半年時間讀30幾科, 一日上7個鐘, 可以係0800/2000)..

大家為我打氣吧!!

MBA

其實MBA係:
1) Master中既一科定係;
2) 水平高D, 差不多係PHD

因為我一直都覺得係第一個, 所以都好普遍.. 但我d 法國同學(佢地都係讀緊master of finance)覺得MBA係佢地既dream.. 所以我覺得好奇怪.. 唔通我一直都理解錯左??

發惡夢

呢2個星期(開學前同開學中..)都成日發惡夢.. 當半夜三更嚇醒時, 真係好難再訓得著..

呢個時候, 唔知點解反而懷念起細個時, 媽咪會去求個符, 扣係背脊位度, 話咁樣會好訓D, 但又WORK喎.. 雖然只係心理作用, 但而家缺少既可能就係呢一份貼心..

人在異鄉, 情緒都會好唔穩定..

P.S. 最近好掛住我部白色SONY, 雖然人係要向前看, 但失去左既野總會深刻D....

開左學喇..

開學之後完全係一個"忙"字..

因為除左每朝必定要上法文班之外, 另外仲要讀3科商業科.. 都幾多時係要上足全日(係朝8晚6點幾..)
個人都幾攰, 同埋雖然我係用英文授課, 但個3科商業科都係同法國學生一齊上, 所以當佢地唔明時, MISS會用法文去解釋, 咁我就更唔明, 但都要好努力去聽.. 一堂落黎, 都會明8成, 但個人會好哂精神(尤其係個北美文化同法國文化對比堂超悶)..

所以我都好難成日會上到網, 因為學校個無線setting support唔到window vista, 只好放棄係學校用自己部機..

大家見到就見喇... ^.^

下星期開學喇..

終於都等到下星期開學, 可以結束我既隱蔽青年日子..

其實呢幾日都有去學校度辦理學生証, 法文分班試等等.. 所以我又識左個韓國妹(唔同科, 但我地法文相約, 應該會法文同一班, 年齡都相約, 所以都幾好傾..), 同一個北京女生(只有23歲, 但係同科同學).. 由職員提供, 應該仲有個廿幾歲既香港仔, anyway, 由於10月係加開既預備班(正式開學日係出年1月), 所以目前只係6-7個學生上堂.. 咁.. 究竟會點上堂? 我都唔知..

只係知道, 我下星期一就要上朝早8點半既法文堂.. 人都癲, 我而家係訓到"黃朝8晏"先起身.. 真係一個大挑戰... 下晏會係開學簡報會, 星期二有英文考試(擔心.. 所以已經去圖書館借文法/生字書..)

到時就會知道, 我到底係讀一年定兩年(因為聽聞我係讀一年就畢業..??)

Rugby II

果然係唔識野.. (或者係唔識聽法文.. Orz)

原來法國隊之前係係8強嬴左, 黎緊星期六係半決賽.. 係英國同英格蘭爭決賽既位置....

食食食...

最近, 同朋友仔係中秋節時食左一次火鍋, 但當然唔係香港個隻打邊爐..

好想好想食.. 咖哩魚蛋, 鍋貼, 椒鹽鮮魷, 肥牛 etc.....

Rugby

其實我對呢個運動真係一DD興趣都無..

但由於法國隊入左Rugby世界杯決賽, 所以成晚D人都癲左..
(我都係因為街度D人叫囂, 我先開電視睇結果..)

如果, 佢嬴埋, D人肯定癲哂...

終於搞點..

話說之前個電話蚊滋咁細聲, 聽過朋友仔打來既電話, 真係耳都側埋...

所以早2日就一氣過同佢講埋電視收唔到某D台, 叫佢整埋..

今日, 阿叔叔幫我換左個電話機之餘, 仲幫我換埋條電視天線(仲係全新..), 家下睇電視真係超清楚.. 可以成日係屋企睇電視都得.. 我而家除左keep住要聽法文之外, 都會每朝睇BBC NEWS, 真係聽英文都覺得吃力.. 唉..

加油!!

2002 TVB 巡禮＜沖上雲霄＞

我會比較期待睇呢個版多D....

搬好哂..

終於都搬好哂D野..

但擺哂D野出黎, 又好似唔係好多物件咁, 明明搬個D時係好多野...


呢個窗紗腳係我自己縫..

今時今日咁既服務態度!!??

香港真係比劉華教壞哂..

今朝一早係缺糧既情況下, 只好行20分鐘去叫做近D既平超市 (但都係比舊鎮個間貴..唉..), 當身水身汗地去到個時, 已經奇怪點解停車場咁少車.. 原來呢間超市逄星期一係開下晏2點半... 天呀.. 佢地已經係收7點半..仲開2點半..仲行好遠架嘛.. 最後當然要等下晏再行多一趟..

如是者, 買左約一星期份既糧食(好懷念係舊鎮可以當日買..), 抽住好重既野又行返屋企.. 呢度可能大部份人都有車.. 所以.. 點解會無送貨服務架? 最好就好似百佳咁, 可以網上訂然後直接送貨..

呢一日, 法國幾時先有...

p.s. 國慶節快樂!! 家慧生日快樂!! 好運降臨!!

薰衣草

話說上次去左睇薰衣草, 當然亦都摘左少少.. 好辛苦地由Avignon帶到去Pau, 再由Pau 帶到黎La Rochelle, 估唔到佢同個床頭櫃都幾襯...

中秋節快樂

祝大家中秋節快樂...

我都好開心聽日我都會返舊鎮同D朋友仔一齊過節.. (起碼唔洗一支公..)
我會係個邊留幾日, 順便整埋D手尾, 咁之後PAU只會係一個回憶.. (朋友仔口中既娘家..)

p.s.好開心今日收到莎拉既電話, 聽電話個刻, 個人就好似係香港聽電話咁.. 大家都好似無距離咁.. 朋友真好...

新城市

黎左呢度幾日, 經過呢2日既週圍走, 我發現我住既呢區應該係新區, 可能靠近大學, 所以呢區既人都普遍比較後生, 尤其應該多學生哥, 因為都幾多宿舍係呢邊 (但竟然無間大既平超市, 咁D學生哥係邊度買野???!!). 但出到去舊區, 由於係主打旅遊, 所以好多旅客同老人家, 整體既房屋就好法國個隻(我呢區D屋係新式D, 好似係西貢個隻), 但佢D舖頭就係細細間, 唔似PAU城, 有好集中既廣場比你買野, 呢度就好散.. (我仲未搵到ZARA同H&M, 無理由呢度無...)

但由我呢區行出舊區都係20分鐘路程, 所以都唔太遠.. 今日仲比我行行下去左海邊, 好靚.. 下晏去哂下太陽先..

p.s. 我post左D舊區旅遊必到景點相係相簿度, 大家有興趣可以睇睇...

忐忑

擒日去左學校參觀加辦長居既手續.. 私校就好在咩都佢幫你搞.. 唔洗好似之前咁, 要同入境處D人週旋..

但同時亦開始令我好擔心, 自己跟唔跟得上, 因為我擒日同其中一個MISS傾過計, 覺得自己D英文太弱, 法文又差, 雖然MISS都話要學好法文(佢一講就話要學好法文, 唔係點同D客溝通.. 可能因為有placement喇), 所以10月頭就要上法文班喇.. 不過咁都可以識到D朋友仔..

對成個城市都好陌生, 慢慢去適應吧..

房既video

搬完屋, 成身酸痛.. 我支counterpain係舊宿舍呀.......

p.s. 咁樣post出來, 好似有D危, 我會係星期五時delete佢.. 之後要睇就email我..

新居入伙..

今日搬左入新居喇.. 一分錢一分貨, 係除左張床差D(因為係梳發床, 比較弱), 其他就咩都有, 基本上一入屋就咩都有, 唔似得係PAU既宿舍(百無..), 但而家既問題係有好多野都變左有2sets..

呢度加錢有得上網, 但每個月限D/L & U/L 8GB, 都好在之前D/L定d... heeee

我個地址係:

Cheng Chui Luk
B302, Residence les Minimes,
27/29 rue Enrico Fermi,
17000 La Rochelle,
France

我間房仲有個只可以聽唔可以打既電話, 咁我在家的話, 你地就可以打呢個固網電話, IDD會平d..
+33546457600 (個姐姐話已經用得, 但仲未有人打過...)

今個城市地方唔錯, 只係仲未搵到近我家既超市.. 聽日要搵超市, 執屋, 去學校打招呼, 房既相就後補..

聽日搬喇...

聽日就會搬去新城市, 好緊張呀.. 十個著十個都話個度好靚, 但靚有鬼用咩, 我想佢D生活費平D咋...

人地話"大屋搬細屋, 唔見一籮穀", 但點解我D野好似只係越來越多.. 今次一搬, 足有6大件, 其實仲要加2細件.. 2年後返香港, 都唔知點算..

聽日仲要自己抬1個大背包, 加1個全部放食既o急, 好重呀.. 不過, 私校有人接, 真好... (雖然係羊毛.. 都都唔好o徒)

P.S. 呢邊仲係16號, 祝Karen新婚愉快!

搬喇.. 快..

下星期一搬喇... 今日終於都去左火車站搞埋搬屋d野, 錢呀.. 就係咁用左我差唔多2千銀呀.. 好肉赤, 好彩個邊有人會係車站接去宿舍, 慳反一程的士錢… 好, 跟住既生活要更慳家..

我早兩日就煲左個蘿蔔豬肉湯, 都唔太貴, 但唔識揀蘿蔔, 個尾有d苦味.. 不過整體都ok… heeee

但唔知搬家之後, 個邊有無呢間平超市.. 窮……

10.9.2007

擒晚發夢我地幾個去睇eason未開show既演唱會, 但又唔係無飛, 唔知點解要咁鬼鼠, 好似做賊咁.. 好好笑.. 人物當然有波士, 蚊, 同美玲, 但估唔到連winnie (波士既同事)都一齊, 可能係演唱會呱.. :P

而家好想快D搬屋, 但又好煩咁.. 好多野要諗要去預備…..

睇戲

睇左套好傷心既電影.. “The painted veil”由Edward Norton主演, 佢就故之然靚仔喇, 但個劇情好好, 雖然個節奏好慢, 不過D情就係咁樣慢慢地滲出來..

瘟疫成就左女主角既愛情, 但亦都帶走左佢既愛情.. 應該只求一剎那既愛情, 定係同一個唔愛既人一世.. 一刹那既愛情好慘呀.. 好痛呀..

最尾加首 “a la claire fontaine” 真係將痛帶到頂點.. 好SAD.. 但真係好好睇..

近況

由於係PAU鎮間房只可以續租一年, 唔比人一個月咁租, 所以而家係9月中就會搬去新城市.. 希望一切順利吧..

另外, 預祝KAREN新婚快樂, 百年好合!!!

獨居老人生活.. 又開始

對!! 明日回去喇.. 又開始我既獨居老人生活..

不過我master course個邊已經定左落黎, 10月15號開學, 所以我會係10月頭搬去新城市, 過新既學期.. 希望一切順利, 出路遇貴人..

另外, 由於銀根短缺, 所以我部香港手機已經賣左加唔用, 故此以後大家要搵我, 可以send sms去我法國手機度(但只收英文), 一係email, 一係傾電話(我收聽係免費架, 但你地就...)

最後, 要多謝所有朋友仔係我放暑假期間既出心出力.. 我會帶住你地既心意同祝福勇敢向前行..

ALL THE BEST!!! Bonne Chance!!!

辟邪辟鬼

說時遲, 那時快.. 下星期一我就要回去過我既獨居老人生活... 唔想去...

但而家個master school又話我可以去上10月份既course.. 咁, 係咪真架!!?? 所以我都好可能會係呢一兩個月搬都未定.. 唔知.. 好"迷"... 只係知自己徒左好多冤枉錢...

希望今次返去會轉運喇.. 我受夠喇... 我都只係想安安靜靜地讀書啫...

塞車

今日因為巴塞隆納既比賽同紥鐵工人既示威, 令平來唔洗一個鐘既車程(由家去旺角), 結果用左2個半鐘既時間...

天呀, 2個半鐘, 已經可以由pau去到西班牙既San Sebastine...

時間過得好快..

唔覺唔覺就踏入左8月既雙位數..

返左來咁耐, 除左食食食.. 都只係做過3日既教育展咁大把.. 錢呀...

倒數3個星期回去, 經過電腦事件之後, 都唔係咁想返去, 始終岩key既朋友仔又走哂..

je suis tristee.... (I am sad)..

無聊亂諗野..

自從發生電腦事件之後, 我都無咩點睇班朋友仔d blog, 直至最近比較得閒, 先睇反大家既blog..
睇完之後, 對好友有d內疚, 因為係好友最難捱既時期, 我都無好好地安慰或支持下.. 真係...對不起..
因為有呢班朋友仔, 我係法國既日子, 黑極都有佢地撐.. 就算電腦事件發生之後, 我身在法國, 但遠在香港既朋友仔, 都不斷地為我奔波及張羅..
其實, 我都唔黑得哂...

"並沒甚麼　我愛上的　不愛我
我也慣了　不想哭太多　嘆息奈何
但　亦高興我每當需要救助
良朋摯友總會 LA LA 救我"

在家千日好..

回來大概2個星期了.. 但大都在家食食同食.. 唉!!怕且我個暑期工都無望喇...

不過, 在家過呢2個星期, 令我的皮膚變反白白滑滑.. 正..

人有三衰六旺

我呢期只有衰, 仲要唔只三衰.. 我之前買左隻dvd比同事做手信, 但點都估唔到, 可以黑仔到買既dvd竟然2隻都係disc 1.. 唔係化.. 咁難中既機會都會比我中到.. 六合彩又唔見我中.. 唉...

福無重至, 禍不單行..

我信, 我信架喎.. 但唔洗係我身上應驗呀..

計電腦同ipod被偷之後(一諗起, 個心就赤赤痛, 訓都訓唔到), 都諗住9月返去唔洗再留係呢個鬼地方.. 點知收到讀master間學校(la rochelle)話, 我個課程係出年1月先開學.. 咁你唔早講, 我機票買好哂, 宿舍又唔續租, 你叫我呢幾個月點過.. 要我打瀉籮蟹咁報多期法文班, 去續宿舍, 去搞長居証, 今次真係比佢玩死...

一心諗住係離開法國之前總算搞點哂, 點知今日收到email, la rochelle話我張票無簽名.. 天呀... 我而家人係香港, 咁點呀...

唔好玩我喇...

Back to HK

A cause the computer was stolen, i need to back hk to do the summer job. pls help me to c c where can i find the job. Aiiiiii

boring!!!

no computer no ipod.. the live is so boring!! so last sunday, i help myself to do the haircut. Lucky, it's not too bad.

Shock! (C'est impossible!!)

I cant believe it. My notebook was stolen in the accommandition. The door was actually locked. My friend's notebook and my notebook (incl. the Ipod n SD card) all lost.... what the hell??

How come?? What's going on??

一個人的童話 - 楊千嬅

呢首歌係特別點比一個朋友仔聽, 希望佢唔好咁灰心.. 一個人都可以好好咁過...

無得上網既日子..

慘!! 搬左過來真係無得上網, 不過都好彩係我朋友仔房度可以上.. 所以要上網就要搬部腦上來...

課程就快完結喇, 而家煩既係想返香港, 但又好貴, 唔返香港又唔知係呢度有咩好做.. 呢度既暑假真係超悶.. 自己一個人都唔知要點過.. (所有人唔係回鄉就係去打工...) 但我今一期唔返, 就要等到出年暑假, 咁又好長時間咁...

1516 1516 1516 1516 1516 1516 1516 1516 1516 1516 1516 1516 1516

搬家II

我聽晚就會搬到A224, 今日都大致搬得8899.. 只剩一箱書本同個大o急等中國仔聽日幫我搬..

不過今日都好感動呀, 我個韓國妹同學shassi突然出現話幫我搬屋.. 真係感激流淚呀!!

寄左野比我既朋友仔, 不用擔心, 包裹我會照收到.. 未寄既就用以下呢個:

Cheng Chui Luk
A224, Corisande D'Andoins,
3 Av. de Saragosse,
64000 PAU
France

恭喜哂... (Felicitations!!)

早2日收到通知, La Rochelle個邊既學校今日會同做我個phone interview, 由於收唔收係睇呢個interview, 所以我都好緊張, 因為我d英文都唔記得8899.. 故此呢2日就捉住日本仔練英文(因為佢係美國讀大學.. )..

但為左更好, 我今朝搵左英國同學幫我較正同練習英文.. 所以..

我被取錄喇..

打後2年我都會係法國讀master in entertainment management, 即係搞活動, 搞演唱會.. heeeeeee


p.s. 關於搬家, 因為係宿舍要求搬, 所以佢地會自動地轉, 寄左野比我既朋友仔, 多謝哂.. 我應該會收到d生日禮物....

要搬喇...

話說呢個星期要搬家喇, 如果唔早D搬, 對面座無房就要去對面馬路個座.. 仲麻煩, 所以都係早搬早著, 遲搬訓唔著..

但偏偏係我決定星期五搬既同時, 困擾我成個月既洗水盆漏水, 佢今日竟然幫我換左個新既, 仲鬼咁靚.. 唔通, 真係連個天都唔鍾意我.. 呢個week-end, 日本仔仲要去巴塞, 無個苦力幫我搬家... Orz



再加上星期, 係學校開既小party食物相.. 好味呀..

楊千嬅 可人兒

開心.. 因為簡單..

今日好開心呀.. 因為上晏我地班有個小party, 每人帶一個自己地方既菜式.. 我食左好多好食既野.. 放學之後去英國太屋企晚餐.. 又好好味..

開心其實可以好簡單.. 好似韓國妹話齋, 因為食到好味既野而開心, 就係咁簡單..

p.s. annie仔生日快樂呀..

咩天氣!!??

呢2個星期, PAU城既天氣都係時晴時雨, 而又落雨既時間比較多.. 所以凍到死...

最得人驚係擒日一日內, 天氣可以變得咁勁, 一係橫風橫雨, 仲落埋冰雹你嘆, 一係出太陽晒到你死.. 但落雨同出太陽係交替... 都黎緊6月喇.. 今朝都係得10度..

唔公平...

話說我擒日識左個馬拉女子.. 佢個樣真係好普通.. 甚至係有d... (我知咁講係唔岩, 但我就係想強調呢點..)

但佢偏偏有個超靚仔既法國男友, 個女仔係日本留學, 係當地識左個法國仔之後就跟左佢黎法國...... 點解!!?? 點解我去左咁多次日本都無識反半個.......

SHOCK!!!

又放假??!!

我今日先知下星期一我地又放假.. 呢個5月我地要返學既日子好似都唔夠半個月.. 法國人真係超嘆!!!

不過, 今次會留係家喇.. (而且都無錢玩喇.. ^.^), 而最大理由係詢眾事求, 再煮飯比佢地食(韓國妹佢地..), 仲係佢地話佢地買料, 我肯煮就得.. 我都估唔到佢地會咁鍾意食..

所以, 香港餐館又開業喇!!!

車里子之旅??!!

又用左4日大假去個法國家庭度補習法文.. 今次撞正佢D櫻桃樹結果..
超多車里子呀.. 仲係即採即食.. 好幸福呀!! 因為法國超市係賣得好貴架...

最後當然又食又拎...

熱/凍

呢度d天氣真係玩人唔洗本.. 話說擒日跟學校去遠足.. 好好天... 仲好熱..


無錯, 係呀.. 38度..

但係... 經過一晚既落雨, 今朝係只有8度.. 足足差成30度... 凍到你死, 今朝仲係9點既堂.. 呵氣係會噴煙架...

遠足之行都好長篇, 休息下先, 遲下再post..

落寞

最近好似好無聊咁.. 係咁既情況下, 當然又係煮好野食氹自己..

今日特登去左越南店買鎮江醋, 煮媽咪最拿手既糖醋豬扒.. 由於係第一次煮, 所以味道都係差少少, 但賣相都幾似樣, 我會比80分自己.. heee



又由於真係好無聊, 所以拍低左好好天既今日, 同自己間房..

Loire 城堡區之旅

用左個4日加4夜既假期, 去左個比較北既地區玩..

第一晚 (即係星期五晚) 出發, 係火車度訓, 可以慳反D時間, 點知附近坐正幾個黑人, 傾計傾到鬼咁大聲, 所以都無覺好訓 (咁岩同一班車, 坐正我地後面, 係一個岩岩黎PAU既廣東人, 佢都不知幾開心, 識到我好似係他鄉遇故知咁, 超搞笑.. )

第二朝一早, 我地5點就到左St-pierre-de-corps等轉車去Tours, 係月台坐係度等左2個半鐘, 但火車程只係5分鐘.... 日本仔死都話行過去, 我就梗係彩佢都傻.. 之後我地跟左團去2個城堡Chateau du Villandry同Chateau d'Azay-le-Rideau, 再坐火車去第二個鎮Blois, 又係睇城堡 Chateau du Blois Royal..

第三日, 就逛左Blois 同去左一個城堡Chateau du Chambord, 可惜因為唔係夏天, 無咩巴士, 一整日只可以去呢一個城堡咁大把.. 偏偏我又唔識踩單車, 唔係就可以去多個.. 對唔住日本仔呀.. 去唔到個佢好想去既城堡, 佢都好失望.. 夜晚我地就坐火車返Tours喇..

第四日, 我地又跟團睇左2個城堡 Chateau d'Amboise同Chateau du Chenonceau, 2個我都好鍾意, 可惜係天氣麻麻, 成日都落住D細細密密既雨..

第五日(最後一日), 由Tours坐火車返Bordeaux, 但因為假期, 好多店舖都唔開, 又落住雨, 好無癮.. 我地就提早坐車返家..

咁4日4夜既行程就結束喇...



補充下, 除左第二日係好好天好熱之外, 其餘日子都係有雨而寒冷, 基本上同冬天無咩分別, 可惜..

在家上網 (Part II)

話說隔離房個女仔, 自從好似同男友分手之後, 寂寞非常, 所以無左個上網, 好似要佢條命咁.. 如是者, 佢就叫我同佢一齊去搵樓下一個有Wifi可以share上網既人..
就係咁, 我既在家上網服務, 係去完旅行之後, 又開始喇...

結束

歷時3個月既在家上網, 今晚7點結束喇.. 但我都好似唔係好用到咁.. alors, c'est fini!

成功

完成任務!! 今日煮左諗好既餸, 好成功.. 掂呀!下次返香港煮比大家食.. 我見D朋友仔咁欣賞, 我都好開心好安慰...



原來無薯仔炆雞翼同紅豆沙大頭相.. 不打緊.. 好味就得.. HEE

請客

之前係香港食肥左既脂肪, 係呢2星期既步行, 同埋懶煮食之下(好多時都係煮白飯, 送肉鬆或其他即食野, 反正一個人都懶得整咁多.. 不過我朋友仔話齋, 反正"You still alive.."), 我又去反"條褲著到快甩"既日子..

不過因應韓國妹既要求, 我星期三晚會請客 (因為之前成日係佢度"痴"餐..), 我已經諗好左4食送1湯1甜品供6位用.. 希望成功吧..

湯: 花旗参煲雞
餸: 1. 薯仔炆雞翼
2. 瑤柱生菜
3. 煎豬扒
4. 臘腸炒荷蘭豆
甜品: 紅豆沙

票房

今日無無聊聊地去左政府搵工網頁, 見到沙田票房請人呀.. 如果我唔係要黎法國, 我應該而家都係個度做緊.. 雖然只係兼職, 但個份工真係其中一份做得最開心既工.. 對住D大眾市民既無理取鬧梗係有唔開心, 之不過係個度識左一班好夾的同事.. 好開心.. 希望你地唔好唔記得我呀.. (雖然咁諗好自私咁.. :P)

呢2日都行哂雷咁.. (岩岩我仲見到一條閃電閃過..), 希望落埋呢個星期, 下個星期會放晴喇.. 因為我會同日本仔去城堡區旅行.. 我都想玩得開心, 唔好要我擔住把遮..

孫燕姿 夢遊MV

夢遊

孫燕姿-夢遊

作詞：嚴雲農　作曲：古皓　編曲：黃銘源

穿過時光機器　我一定可以再遇見你　循著鋼琴聲　找到你迷惑的神情
不夠高的身影　計算著與夢想的差距　看你努力奔跑　但是終點在哪裡
未來總很神秘　有暴風雨　也有好天氣　你曾經可以選擇　輕易放棄

Dala...　Dala...　感謝你沒有忘記　做你自己

跌倒時受的傷　在我身上　有相同痕跡　發現我的笑容　成長在你哭泣裡
未來會很神奇　會經歷愛　也學會期待　雖然有很多懷疑　你不明白

＊Dala...　Dala...　幸福的答案我也還沒解開

　So So Ti　So So Do　約定好　醒來之後　要再次回到未來　陪我夢遊

Repeat ＊

要再次回到未來　陪我夢遊

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

好鍾意呢首新歌, 可能係今個學期到而家都上得好開心.. 有一仲係夢中漫遊既感覺, 希望可以將我呢個好心情傳比你地..

又凍反..

話說上個星期仲熱到死.. 但呢2日又落大雨又行哂雷咁.. 溫度一下子跌起碼10度.. 搞到我都有D病病地, 要食定D感冒藥, 我下星期去旅行.. 唔可以病..

哎呀..

壞消息呀..

話說裝左網絡既樓上同學, 佢會係5月1號搬, 換言之我既在家上網服務亦會結束喇.. 唉..

咁.. Annie仔要麻煩你幫我將個2套劇埋尾喇..

我都可能有機會帶部腦返學.. 但應該唔多, 你地有野要同我傾的話, 就sms我先, 而且5月我地學校都有好多假.. 煩呀.. 一句到尾..

呢度既春天好靚..

呢度既春天開哂花.. 好靚!!

一來有好多花樹都開哂花, 二來連草地上都開左好多蒲公英同小花, 三來係市中心既路邊擺左好多小盆栽都開左好靚既花...

呢度D蒲公英真係多到不得了, 仲要係又密又大朵... 我真係信係"Harry Potter"入面話飲蒲公英汁係真既, 因為真係多到可以搾汁...



除左呢樣, 我早2日仲食左新鮮既竹筍, 點新鮮? 就係係竹林度摘, 話說有個中國妹同佢男友特登走去摘, 摘左好多, 所以比左d我地幾個..


煮之前..

點知比個中國妹用切蔥既方法切, 結果就出左呢碟, 唔講唔知係竹筍既食送出來...

物理題

話說前幾晚同中國妹佢地晚飯, 晚飯之後當然要洗碗, 如是者, 中國妹隻木碗就咁套左入我隻日本漆碗裡面, 點都整唔到出來.. 就好似要飲麵X湯但點都開唔到個蓋咁.. 咁點樣可以分開佢地呀.......

賞櫻

雖然去唔到日本, 但原來係其中一條返學既路上, 有一排(大約8-10棵)既櫻花樹.. 今日放學就特登兜路去賞櫻.. 雖然唔知係咩品種, 但係條路度行好浪漫呀, 因為有風吹D花瓣落地.. 好靚.. 可惜隔離係中國妹...

勤奮

由於怕一回到家就只會ONLINE, 所以我之後都會係放左學之後, 留係學校度溫書, 會留到6, 7點左右, 因此, 大家除非夜訓, 如果唔係我地都未必可以ONLINE傾到計.. 不過, 我都好歡迎大家SEND EMAIL比我, 亦可以大家約定時間一齊ON.. 為左之後既學習, 我會加油.. 你地都係呀..

Bonne Courage!!

上課時間表

星期一 0900 - 1100 / 1300 - 1500
星期二 0900 - 1100 / 1300 - 1500
星期三 1100 - 1300 / 1500 - 1700
星期四 1100 - 1300 / 1500 - 1700
星期五 1100 - 1300 / 1430 - 1630

今次個上課時間仲正.. 而且班度既同學今次都好似幾好咁.. 希望今次會上得開心D..

P.S. 中國佬今個學期自己要求去低班, 仲低足2班呢.. 但我又覺得我明喎...

旅程

今次返香港係用比較轉接既方法.. 我先係PAU坐2個鐘多D的時間去TOULOUSE, 再係TOULOUSE火車站坐巴士去機場, 之後坐EASYJET去倫敦既GATWICK, 再由GATWICK坐OASIS返香港, 回程亦都一樣, 所以其實每一程既時間係唔多, 只要其中一程有問題, 咁都可能會影響到下一程…

先講下返香港個程既驚險野:

由於一直都覺得我係由同一個機場, 同一個TERMINAL, 航空公司應該係可以直接TRANSIT我個行李, 唔洗好憨居地出海關再入海關, 所以我個2班機既時間唔係相差好遠, 只係相差個半鐘多少少.. 所以當我去到EASYJET要求佢幫我TRANSIT, 而佢話做唔到個時, 當然係出哂事.. 真係估都估唔到佢地話自己係細公司同其他公司無聯繫, 所以做唔到呢個服務, 我真係企左係度.. 咁我點算..我幾乎係見一個職員問一個, 係連機上既服務員都唔放過, 希望有人可以幫到我.. 但結果.. 我當然係要照做所有應做既情序, 先過入境櫃比佢問一輪, 再係行李帶等我件行李, 拎完行李再去CHECK-IN櫃, 係由Z ZONE走去A ZONE, 成個過程我用左差不多25分鐘, 去到OASIS櫃位, 竟然佢話唔洗用FAST PASS入海關, 仲話 “仲有時間呀!!”.. 唔係呱!! 不過當我經海關個時, 真係無咩人, 仲好快搞掂, 入到去閘口仲可以去個廁所同買支水, 個刻個人先至定反D咋…

到返法國呢程亦都驚險重重:

話說到左法國之後, 我亦都係要9秒9地去EASYJET個櫃位辦理登機, 但擒日朝係勁多人, 我係入境櫃台前等左差不多20分鐘, 之後又用成15分鐘去拎我個2件行李, 結果係跑到去EASYJET個時, 佢同我講話個登機已經CLOSE左, 個刻都不知點算, 經過一輪 “死纍”, 終於有個服務員同我講 “人可以上機, 但行李唔一定會坐到呢班機, 如果呢班真係無, 你可能要等下一班先拎到D行李, 但今日唔一定會再有機, 可能要等聽日..” 下!! 就係咁, 我係唔知有無得拎行李既情況下, 用左FAST PASS過海關, 用唔到15分鐘去坐剩返10分鐘就會飛既飛機.. 好彩都唔係我最後, 坐定之後, 都仲有好幾個人遲到.. 亦由於之前一直好擔心, 所以一坐底就勁訓, 連隔離想去廁所, 都要等到差不多到先可以去.. 諗住最差都過去, 點知TOULOUSE個入境又咁鬼認真, 拎住我本護照驗屍咁驗不特止, 仲要出埋學生証同銀行咭, 煩… 最後都好彩係行李帶上見到我D行李係度轉..

唉.. 總算結束呢個咁轉接既行程, 有時間我實寫信比佢地叫佢地改善下, 要人出海關又入海關, 煩死人…

4.4.2007

好過份呀… 呢度D洗衫成日都無得賣代幣, 咁我D衫點算呀.. 唔通真係要等到返來先洗.. 煩呀..

今日又買到平既士多啤梨, 好味呀.. 1.6歐有成一堆, 正!!

歐遊回來...

今次只係主打西班牙, 要去既都差不多叫去哂..

而今次算忍得手, 只係買左1個袋, 1件TEE同1件外套(件褸係OUTLET買, 原價要150歐, 而家30歐, 超抵), 其他就係PIN呀, POSTCARD咁.. 但因為車費同食始終唔平, 所以.. 之後都要好慳家地過活..

已經UPDATE左相, 有興趣同時間就睇睇喇...

回歸生活

將近一個月既大假, 話咁快就放完喇.. 又要收拾心情上課..

已經知自己上咩班, 今次個編班轉左, 但大約都係INTERMEDIAIRE 4/5, 都係預料之中, 開心係又可以同韓國妹做同學(係岩岩同班個個).. 但又要同中國仔同中國佬一班.. 唉...

今一次既上堂時間同老師都幾好, 時間表要聽日拎到手先再POST.. 希望今個學期上得開心D喇!!

at barcelona

I´m now at the barcelona, funny & happy..
i take so many photos, but cant update now, i will try my best to update it quickly.
bisous!

返去喇..

話咁快就2個星期喇..

今晚走喇, 希望有機會年尾見喇...

不過, 大家可能要等等我, 因為我會再去西班牙旅行2星期, 所以都會遲d先update個blog.. heee

大家都加油呀...

Bonne Courage!!!

過得好快..

今日先睇清楚, 原來我係坐3號既零晨機, 咁即係話我係星期一晚就要去機場喇..

過得好快.. 好快我又要返去, 今次好似比上次多左一份傷感, 因為上次係充滿住對未來既憧憬, 但今次已經係好習慣地過去生活.. 已經知道哂係咩一回事..

仲有一份對學法文既擔憂.. (/--)/

剥牙

返來其中一樣要做的事 - 剥智慧牙, 其實由於佢係上排最入個隻, 怕佢遲早會蛀, 所以去解決佢先..

點知今日剥既時候, 竟然剥左2隻, 一大一小, 小個隻同豆豉差唔多大, 咁就收我2隻剥牙錢..

錢呀.. 真係估唔到我咁有智慧..

一個星期

返到香港一個星期, 成個星期都係度食食食... 好似要將半年來食唔到既野, 用2個星期食返咁.. 真係辛苦個腸胃..

目前已做的事:
1/ 飲"無聊"個餐
2/ 探左阿Jack好可愛既B女
3/ 睇左電影節既首影 " Sakuran"
4/ 去左南Y島 / 志蓮淨園
5/ 唱K
6/ 返左公司見舊同事
7/ 剪頭髮
8/ 配眼鏡

呢個星期要做的事:
1. 剥智慧牙
2. BB焦
3. 食食食
4. 打邊爐
5. 買電腦

下星期二就要返去喇.. 時間過得好快呀..

wedding

睇個樣咁殘, 就知坐咁耐機同火車係幾辛苦.. 不過, 可以出席到, 我都好開心...
下一餐就到karen喇.. 不過可能出席唔到喇, 可惜...

(手豆)利是

返左香港呀.. 會係度2個星期...

擒日下晏落地, 夜晚"扑"到去飲無聊個餐, 本打算比個驚喜新娘子, 但原來一早比人踢爆左, 無隱...

不過點都好, 無聊 - Felicitation!!

另外, 雖然遲一日, 但都算係新年開始, 所以結左婚既朋友仔.. 我等緊你地....heee

v(=∩_∩=)

Printemps

春天喇... 我呢邊已有好濃厚既春天氣息, 因為呢度已經開左好多好靚既花.. 雖然好多花既名我都唔知, 但望住d花真係可以令人忘卻煩惱呀...

p.s. 元宵節愉快!!

Pig pig 呀..

話說同我地share網路, 即係裝網既人, 佢會係3月6號回鄉.. 所以佢會暫停個network, 咁即係話我無得係房度上網喇, 又回歸到當初係學校度上網既日子.. 不過咁都好, 起碼可以專心地溫書, 同埋可以叫中國仔食完飯好走.. 哈哈....

包裹

今趟d包裹收得好怪, d時間序完全唔夾..

ada仔你寄既大白兔糖終於收到, 但唔知點解反而仲遲..

莎拉既利是就袋袋平安喇.. 多謝哂...

收埋小ann件包裹就完美喇... heee

好多謝大家係我咁鬱卒既時候, 寄零食同我心愛既物件比我.. 多謝哂...

(好似d頒獎典禮, 一手拎獎, 一手拎咪, 喊住咁講多謝!! .．･ヾ(｡><)ｼ )

交響情人夢

用左好耐時間斷斷續續地睇完, 可能古典音樂始終唔係我杯茶.. 加上有繁重既功課, 所以到今日先終於睇哂..

對整套既印象唔深, 最鍾意既反而唔係玉木宏, 而係金毛既瑛太(我唔記得佢係套戲既名喇..), 好欣賞佢對朋友既細心同了解, 亦欣賞佢既氣概, 點解我身邊無呢d人既.. 唉......

成套戲最有共鳴就係當男主角叫女主角一齊去歐洲, 係歐洲一齊努力向上.. 女主角回了一句金句: 點解一定要努力向上? 自由開心地彈琴點解唔得, 做幼稚園老師有錯咩??

我學法文都係, 點解一定要比咁大壓力我.. 輕輕鬆鬆學點解就唔可以, 點解唔比人錯既機會.. 點解連錯都唔可以...

test

ANNA第 九 型 ： 和 平 型 (Peacemaker)

在 很 多 情 況 ， 你 們 都 是 和 平 使 者 ， 善 解 人 意 ， 隨 和 。 你 們 很 容 易 了 解 別 人 ， 卻 不 是 太 清 楚 自 己 想 要 什 麼 ， 會 顯 得 優 柔 寡 斷 。 相 對 地 說 ， 你 們 的 主 見 會 比 較 少 ， 寧 願 配 合 其 他 人 的 安 排 ， 做 一 個 很 好 的 支 持 者 ， 所 以 你 是 心 較 被 動 的 。

唔知點解今日超級鬱卒.. 可能由下晏打爛碗開始.. 我就一路越來越唔開心, 我都唔知點解..

所以我玩左個九型人格既心理測驗.. 都幾準呀, 我都幾係呢類...

好想快d返香港..

多謝哂..

好開心呀...

今日一次過拎左兩個包裹, 一個係細ken, 一個係ada仔.. 我仲以為係莎拉寄比我添.. "莎拉!!仲未收到你個份呀?"........

好多謝細ken寄既開心果同好味道栗子, 我二話不說就解決左佢...

好多謝ada仔寄既揮春, 不過我無收過d大白兔糖喎.. 同埋大家既鼓勵..

我唔會放棄!! 但我會小休.. heeeee

p.s. 總之我係呢邊過左個都幾ok既新年, 大家中國同學聚埋一齊食飯, 有人唱歌跳舞, 我就撈左個攝記, 所以唔洗比人玩.. yeah......

花開富貴

係大年初一行去中國餐廳途中, 見到人地個花園種左好大棵紫玉蘭, 好靚呀!! 果然"花開富貴"..

三日遊

用左3日時間去練我既法文, 因為我去左個只有法國人, 無中國人既鄉下地方.. 係呀, 真係有一大片牛羊個隻, 但我寄住既家庭就係種菜同生果為主.. 係個度過左個超正既假期..

首先第一日去左個市鎮 - agen 參觀, madam fort仲要我係monsieur fort面前講反今日做過d咩去訓練我既法文..

第二日就因為佢個仔同個孫女返來, 所以我就同佢個孫女傾左一日計, 真係都傾到計架..

第三日就係最後一日, 朝早去左個法文老師家作客加口語訓練.. 亦都係獲益良多..

三天之中仲加插左好多參觀示範單位(去其他家庭度坐下.. ), madam fort既突擊提問 (佢會問反你之前同你提過既生字.. ), 佢真係好好人, 仲係咪叫我一定要再去, 同埋問我點解唔揀間學校係佢附近, 咁就可以住佢度.. 真係好到不得了.. 所以好想暑假可以再去...

update左照片係相簿度, 你地有時間就睇下喇..

p.s. 要多謝細ken係初二打電話比我拜年, 感動呀!!

豬事大吉

20-02-07

打左電話喇… 好緊張, 所以搵埋朋友仔一齊聽, 阿madam好有中氣, 聽到耳都聾咁濟..

所以都好快手買埋d火車飛, 係煩緊要帶咩手信比人好呢?? 佢仲話我6月放假可以再去佢地度添呀, 真係好人到不得了….

19-02-07

好耶!!

之前膽粗粗地寄左封信比當年阿姐寄住既法國家庭, 因為我地學校有3日大假, 所以諗住不如去佢地屋企練法文, 好過屈係宿舍睇日劇, 但係話說阿姐係十幾年前寄住係人地度, 所以都好擔心人地唔知仲方唔方便, 仲記唔記得呢個人, 同埋我係唔識佢地架... 不過都即管試下喇..

今日收到回信喇… 佢地話我可以去佢地度呀.. 叫我打電話比佢地再安排點樣接送.. 佢地實在係太好人喇…. 不過電話打左, 但無人聽, 聽日再試..

12-02-07

好鬱卒呀今日.. 都只怪自己平時係香港個時都發音唔標準, 我今日連講英文都發唔正個音呀…

慘!! D人都聽唔明我講咩, 講法文就仲衰, 同日本仔傾計, 佢每次都要諗一輪, 再用正音讀一次比我聽.. 好沮喪呀… 我而家講既法文就好似鄭秀雯講廣東話咁.. 唉…

Finally

終於都update左之前去歐遊既相, 大家要睇相就去"相簿"度喇..

07-02-07

話說我地班有個日本仔, 佢d法文好强架 (鬼咩, 佢係美國讀左2年法文, 連miss都叫佢去高d既班, 係佢唔肯去.. ), 同親佢一組就好似考試咁, 好多生字唔識, 好多句子比佢改.. 不過, 佢個好nice亦都好有耐性去教你.. ok, 呢d唔係重點..

重點係佢今日比我睇佢家鄉既相, 佢家鄉係廣島, 之後佢同朋友仔搬左去東京.. 睇完d相後, 好想去日本呀… 好想去廣島, 好想去睇係海度既紅色鳥居, 好想食蠔… 日本..你等.我..

之後上完phonetique堂, miss同日本仔係度傾佢既進度, miss同佢講: “你用d字太深, 對我就梗係明, 但對d同學就唔一定, 你要用d淺d既字, 咁好似tivona佢地三個(韓國妹同中國佬)先至明白” 聽完呢句, 我同韓國妹即時對望同扁咀.. 嗚…. 好慘呀..

不過我而家都好d d, 儘量提自己唔好錯.. 但係d美國學生真係好衰, role play既時候, 佢地係度笑其他同學既錯處, 所以令到莫斯科阿太死都唔做role play, 唔想比佢地做笑柄喎, 雖然我安慰莫斯科阿太唔好理佢地, 反正最後得著係自己.. 之但係口係咁講, 自己真係可以睇得開??!!!

03-02-07

今日起身真係嚇死, 竟然有隻昆蟲屍體係我張床度, 仲要係近背脊位.. 咁佢咪… 真係個個星期日打掃都仲咁污漕, 唔得你死..

我而家已經可以係房度直接上網, 不過因為係share人地既線, 所以如果人地唔開個modem, 咁我就上唔到網, 都真係點都係自己裝方便.. 但為左錢, 無計喇.. 唉..

真係唔可以出城.. 今日又敗左家添.. 因為而家係法國大減價檔期, 所以我終於買左第一條 “你快死”, 真架!! 我真係一直都無架.. 我今日用左42euro買左條hkd 790既 “eva”, 不過又要自己改褲短, 煩.. 不過真係瘦左, 買細一個碼都著得落..

另外, 今日識左個法國女學生, 佢好nice, 亦竟然聽得明我講咩, 我地係溝通到.. 真係估唔到…

p.s. 今晚中國妹高中生自己蒸饅頭, 好味呀!!

最近比較煩

最近比較煩
主唱：李宗盛 / 周華健 / 黃品冠
(黃)最近比較煩　比較煩　比較煩 總覺得日子過得有一些極端我想我還是不習慣 從默默無聞到有人喜歡
(周)最近比較煩　比較煩　比較煩 總覺得鈔票一天比一天難賺朋友常常有意無意調侃我也許有天改名叫周轉
(李)最近比較煩　比較煩　比較煩 我看那前方怎麼也看不到岸那個後面還有一班天才追趕 哎唷　寫一首皆大歡喜的歌　是越來越難
(黃)最近比較煩　比較煩　比較煩 陌生的城市何處有我的期盼揮別了家鄉的伙伴現在的我更覺得孤單
(周)最近比較煩　比較煩　比較煩 女兒說六加六結果等於十三我問老段說　怎麼辦　他說基本上這個很難
(李)最近比較煩　比你煩　也比你煩我夢見和飯島愛一起晚餐夢中的餐廳燈光太昏暗　我遍尋不著那藍色的小藥丸
(周)人生總有遠的近的麻煩 太太每天嫌我回家太晚
(黃)女友媽媽嫌我長得寒酸雖然我已每天苦幹實幹
(合)管它甚麼　天大麻煩 久而久之　我會習慣天下沒有不要錢的午餐
(李)太太發現秘書裙子很短她就買了八千塊的耳環
(周)女兒太胖　兒子不肯吃飯
(黃)車子太爛　銀行沒存款
(合)麻煩　麻煩　麻煩　麻煩　麻煩我很麻煩　麻煩　麻煩　麻煩
(合)最近比較煩 比較煩 我比較煩

02-02-07

話說今日係法國好地道既節日 – la chandeleur. 所以我地幾個女仔都去趁熱鬧.. 就係咁成晚嚇個半死..

我地係唔知頭唔知路既情況下, 就跟住大隊準備遊街, 因為佢節目既一部份係繞住pau城行一圈.. 但原來.. 個節日係同鬼呀怪獸呀有關 (我都唔知點解..), 結果成晚我地亞洲女仔就成為被嚇同襲擊對象 (因為扮怪獸個d會沿途嚇人, 怪叫, 好似玩 “哈囉喂” 咁..), 我地都無一幸免地被塗黑左塊面,個韓國靚女同學同中國妹高中生, 成晚都被人抱住走咁際.. 好慘.. 我都好d, 只係被人嚇左幾野… 如是者, 夜晚返到房真係支力到半死..

p.s. 我都嚇到叫左成晚, 喉嚨又開始痛.. 人地好唔容易先唔再咳, 睇怕聽日都咳硬..

01-02-07

好pig pig呀.. 今日上堂時, 我地個miss好鍾意叫人玩role play, 就係咁就出事喇.. 因為我係role play時忘記哂d語法同發音, 結果當場被丙左一輪.. 個刻真係想喊!! 不過, 當期時我真係有反省, 我都覺得自己呢個學期懶散左, 唔知係因為唔鍾意上堂, 所以有d本 “pair”.. 定其實只係自己懶既藉口.. 點都好!! 佢都叫做鬧醒我, 知道自己唔可以再懶落下, 因為係有人睇住.. 但捱唔捱到呢..

情緒超級低落…………..

29-01-07

離哂譜, 成晚停電停左5 / 6次, 好彩係飯岩岩煮好, 碟薯仔炆雞就仲差少少, 勉勉強強可以食.. 搞到成餐飯都唔知點咁… 咦咦咦咦咦咦咦咦咦咦咦咦咦咦 > _ <

我今日又買左支白酒返來嘆.. hee 其實唔係喇, 只係覺得反正呢度咁平, hkd50就有一支750ml, 同買水都差唔多價錢, 咁我就train下自己既酒量之餘, 可能對以後讀旅遊都有幫助, 或者好似以前個阿sir咁, 係酒店做品酒都唔錯.. (我而家開酒好叻喇.. )

另外, 今日收到樂天既email, 知道佢已經出發左, 我都唔知應唔應該替佢高興.. 比如話好似莎拉咁, 你講到外地好好, 可以好似海?咁自由地生活, 其實當你唔係香港之後, 你會發覺香港其實真係一個好好既地方.. 其實我地都有好多不如意既事, 亦都會有灰心同沮喪既時候, 我都真係有諗過要買機票返香港就算喇.. 我地 (其實係我喇..) 都係有苦自己知.. 可能好多人都覺得我係呢度可以自由自在, 唔洗做, 唔洗睇人面色.. 其實我係呢度, 每日都要計過算過, 根本好多野我係香港個時係唔會計較, 因為我知道我可以賺返返來, 但而家d錢係用一日少一日, 反而好懷念自己賺錢自己洗既日子。同埋我每日返學一樣要睇老師同同學面色, 佢地一樣會對你有要求, 當你達唔到佢地既要求個時, 同你老細比面色你睇係一樣, 仲要衰d係 ─ 佢唔係出你份糧.. 所以係外地都唔係大哂或嘆哂..

不過, 每人都有一個心願或一個夢吧.. 可能我都係一個幸運既人, 最少我仲可以係個夢入面行緊, 即使佢係苦樂參半, 條路都係我自己揀..

樂天: Bonne Chance!! (Good Luck!!)

28-01-07

其實我明白點解自己咁想返香港, 因為係呢度無啖好食, 你諗下係香港有幾多好野食, 而且仲要係好平就食到.. 但係呢度就每日都要去睇下有咩係平, 基本上係有咩無咁貴.. 連一筒pringles薯片都要2.13euro, 係香港的話好似hkd9.9就可以買到 (仲要無我最鍾意既芝士味.. ) 好想食街邊既咖哩魚蛋, 雞蛋仔, 煎釀三寶等等.. 仲有媽媽煮既食送, 不過而家點都要等到年底喇.. 因為要打工賺d旅費先..

p.s. 呢幾日乾燥到不得了, 每次開門去廁所或開水龍頭都被電到死死下, 真係痛死死..

27-01-07

好過份呀.. 我地呢度星期六同日竟然係無人做清潔, 即係話無人會洗廁所同沖涼房.. 一層有咁多間房, 有咁多學生, 會有咁多人共用, 竟然佢地可以唔理, 就咁自己放假.. 個廁所而家真係好嚇人, 聽日仲唔知點算.. 對上個聖誕節佢地都好似放左2個星期, 個廁所就咁2個星期無人洗, 聽聞超得人驚.. 我個次旅行避開左, 但3月我地又放假, 我今次無得走呢.. 希望佢地唔會放喇.. (因為我地係放semester break..)

另外, 大家有無咩方法防上掉頭髮?? 因為好多人都話法國既水, 飲得多會掉頭髮, 就連法國人自己都係買支裝水返屋企, 佢地都唔會就咁飲水喉水, 雖然我已經特登買水煲煲過d水先飲, 但都真係好似頭髮又少左d咁.. 我而家都只好好似佢地咁特登買水飲.. 好彩d水都唔會好貴, 但長此下去都唔係辦法.. 周醫生有無辦法呀…

26-01-07

搬入黎未夠一個月已經停電4次, 今晚係第4次喇, 仲要次次都係我地呢座, 離譜..

原本好想3月份返香港架, 因為有2個星期既假, 不過d機票真係太貴喇!! 咁就算喇… 唉.. 我真係有晚發夢我返左香港, 仲係街度撞到美玲 (因為我成日都會係街度撞到佢.. hee), 之後佢仲話岩岩去完超市, 比左d方包同芝士我, 真係好好笑..

可能最近上堂壓力比較大, 所以先會想逃返香港.. 但我點都會捱落去…

25-01-07

落雪喇!! 落雪喇!! 落雪喇!! 落雪喇!! 落雪喇!! 落雪喇!!

終於都第一次感受到d雪落係身上既感覺, 好感動呀!! 好似將平時係新聞度話加拿大或美國好大雪咁, 突然就zoom埋你身邊, 個感覺好得意..




我拍左短片, 想睇就報名.. 嘻嘻..

p.s. 今日去申請房補, 個申請編號竟然係cc6668, hee.. lucky!!