風大雨大..

個個都話個市好差..

但你去銅鑼灣一轉, D人買野好似唔洗錢咁.. 開倉人迫人, 又係唔洗錢咁..

我好想唔撈呢份工, 不過..

風大雨大, 可以去邊..

有人包養嘛??

此地不宜久留

返左差唔多一個月工, 但係就好想走, 唔想做..
就算佢係點“時忙死時得閒死”, 但我以前份工都係咁, 不過我都無咁快想走…
唔知係我唔慣, 定呢度d人.. 我係呢度係one-man band, 得2個姐仔上司, 無同級既同事.. 我自問都係一個好隨和, 又多咀既人; 但係呢度, 我超唔入群.. 附近既同事唔會去理下我, 由我自生自滅..
另外, 又成日有小錯, 再由小錯引申到大麻煩, 好大挫敗感.. 好似自己好無用咁..
我一d都唔覺自己好命囉!!!
鬱卒..
好想快d可以走.. 我想返法國…..

忙死定得閒死..

話說做搞活動既工, 都好睇你D活動係咪密密做..

上星期好趕地做左2日既活動之後, 接住既一星期都發哂"毛".. 只好搵D文件做下.. 但都悶到死..
我認命! 成日比人話好命, 聽都聽到厭!! 咁我都係失去左某D野先可以有咁好命都未定..
咁個D咬金鎖匙既, 要咩有咩個D人又算係咩..

我惜福, 亦都感恩, 做人知足, 知自己要咩, 追求D咩就可以..

你管我點樣去用我條命, 行邊條路!!!

進度..

論文叫做做起一半, 工亦都搵到.. 希望順利畢業吧!!

新工作聽天返, 係醫院度做搞EVENTS, 開記招, 但我唔係PR, 只係做support, 做策劃.. 暫時TEMPS 4個月, 睇下大家岩唔岩.. 點都好, 叫做FULFILL左必須既一D要求, 所以都係好事..

Je suis bien contente!!

.....

痛心.. 我心愛既水晶杯, 係寄件中爛哂.. 碎哂.. 我好好鍾意架..

唔係個o急無qouta, 我真係應該帶佢地上機.. 後悔!! 佢地個結局可以好好架..

在港..

回到現實..

最近做既事就係食食食同食食食..

所以都開始要的起心肝開始寫論文同搵工.. 好難呀!!

人已在巴黎..

倒數係法國既日子, 只剩下一日多少少..

好想可以拉住時間, 但都知自己無得再任性, 再強留.. 天下無不散之飯席..

所以, 好快見..

法國的家..

多得北京妹帶契, 我可以住到好法式既房屋.. 仲係我一個人入住先, 真係唔好意思..

總算係法國既最後一星期, 有少少運行, 希望係出巴黎同返香港都可以順順利利..

塞翁失馬, 焉知非福..

倒數回香港喇..

時間過得好快呀, 2年既海外生活就快結束喇.. 雖然知道返香港之後可能得反個殼, 但或者到時會有另一番既際遇, 估唔到既未來..

中秋節到港, 夠應景..

馬死落地行..

因為係法國既住處同生活費都太貴, 現實總是殘酷的..

面對現實地回歸吧!! 我要做既都做左, 都可以叫無悔既.. (當然有得玩耐D更好.. )

歸期待定, 但好快喇.. 或者中秋會見到大家吧..

香港見...

最近有點煩..

因為搬與唔搬, 搬去邊, 實習等等, 搞到好煩..

今日韓國妹起程去比利時, 希望佢順順利利.. 我地班同學只剩下我同北京妹仲係呢度喇 (雖然有幾個下月頭就做完暑期工返來..), 但總係令人感到好傷感呢..

醫療費..

韓國妹出左院, 住左3日, 總費用係3千歐.. 無錯, 住一日要7佰幾歐, 加埋D檢查同三餐, 埋單要3千幾歐, 超貴... 好在係呢度都係保險公司比, 要自己真金白銀比的話, 都幾係..

開始執野搬, 好多野都想唔要.. 但之後會去邊又無人知.. 煩...

第一次..

經歷左上年第一次去法國差館, 估唔到今日去埋法國既醫院..

大吉利事地只係去探病, 因為韓國妹因胃/肚生石(我估應該係生膽石..)要住院2日.. 所以帶左D生果同書比佢消磨下時間..

大家既壓力太大喇, 佢下個月就要去比利時實習, 而家望就望唔洗做手術(雖然我覺得做會好D..), 總之要等聽日SCANNER下粒石有幾大而決定..

另外, 岩岩收到舊同事病重既消息, 希望2位都平安無事, 大步檻過..

路...一直都在

曲：Adrian Fu
詞：吳向飛
製：Jim Lee


穿過人潮雙眼燈火欄柵　沒有想過回頭
一段又一段走不完的旅程　甚麼時候能走完

噢　我的　夢代表甚麼　又是甚麼讓我們不安

That’s just life　尋找夢裡的未來
That’s just life　少點現實的無奈

不論風吹的時候 不再傍徨的時候
永遠向前　路一直都在

穿過一塊裡面一片黑暗　沒有想過回頭　
一段又一段走不完的旅程　甚麼時候能習慣

噢　我的　夢代表甚麼　又是甚麼讓我們期盼

That’s just life　尋找夢裡的未來
That’s just life　少點現實的無奈

不論風吹的時候　不在傍徨的時候
永遠向前　路一直都在

看不清的路又算甚麼　看不清的夢又算甚麼
就算走到盡頭又能算甚麼　能算甚麼

That’s just life　尋找夢裡的未來
That’s just life　少點現實的無奈

不論風吹的時候　不再傍徨的時候
永遠向前　路一直都在

That’s just life　徘徊到不再徘徊
That’s just life　從來都不怕重來

沒有選擇的時候　無論選擇的時候
永遠向前　路一直都在

叫做識踩單車..

借左朋友仔部單車練習, 係一個小時後, 終於可以踩到..

但由於架車個車頭有D"咩咩地", 第二日踩時, 佢不停地打圈, 好難先去到直線.. (係我既技術定架車呢??!!)

總之叫做曉踩, 雖然成腳"yu"哂..

Jazz Festivals

呢2日都有Jazz Concert, 反正又唔洗錢, 所以同左韓國妹一齊去睇.. 都唔錯呀..



我地開始倒數係LR既日子, 所以有咩活動或者聚會都會出席.. (佢搵到份比利時既實習, 祝佢好運..)

我都仲要聽天由命.. ^ ^

最近好喜歡既一首歌..

天空一片藍

詞/ 曲：徐繼宗　　演唱：星盒子(Boxx)

說愛我說愛我別說不習慣
抱抱我抱抱我別嫌我太胖
有誰跟誰在一起是一種偶然
Ha.. 人生只一趟
告訴我告訴我有什麼不滿
告訴我告訴我看到誰不爽
其實都一樣只在乎你要怎樣
看.. 你怎樣欣賞
快樂就是那麼厲害 你要它就過來
不需要器材 天意安排
八十歲老阿嬤也會變成小孩
假牙掉了笑完才戴
每天鼓起兩腮 日子會否更自在
感受照在身上每一寸陽光
享受活在當下每一分時光
景色依舊漂亮只等你推開窗
看.. 天空一片藍

總比人一種"打氣"既感覺.. 加油!!

旅行相片..

總算係flickr度upload左D相, 但因為太多, 只揀左D精華同有人既.. (真係有人既影埋都無10張..)

遊記?? 我一向都唔寫喎, 之不過今次返來LR, 令人覺得好失落, 朋友仔都各散東西, 比之前更覺無聊..

講反今次旅行, 布拉格實在太多遊客, 雖然好靚, 但遊客多同人多, 令佢扣哂分.. 反而好鍾意其他小城市, 無咩人或遊客, 好寧靜.. 雖然係小鎮大部分人都唔識英文, 但當你主動問佢地路, 大多會好心指路, 儘管雞同鴨講.. 捷克既風景同建築物都好靚, 由其房屋既色彩同背境相襯, 真係靚到暈.. (連法國既屋都比下去..)

由於決定去捷克好倉卒, 係只訂住宿下就出發, 所以好多野都係邊行邊睇邊問, 不過都係幾好既體驗(仲有D愛上呢種唔PLAN既行程, 反正咩都會變..), 之但係都好睇同咩partner, 今次同香港仔去都好彩無嗌交收場.. 哈哈.. 我地都好隨和.. 仲一見香港遊客就講法文..

不過, 要去捷克的話, 識英文真係無咩用..

回到現實..

對.. 我用左短暫而多餘既留法時間, 去左捷克8日..

今次將捷克主要既觀光城市都去哂.. 旅程有開心既事: 好心人帶路/用20歐住appartment/食好味既食物/識到靚靚姐姐; 有黑仔既事(我一直都好似係咁..): 一早咖啡淋身/坐錯火車要買過張飛/帶開既水晶手鏈斷左..

之但係, 捷克既小鎮真係好靚好寧靜, 好舒服.. 令人好想係個度生活, 好羨慕D小鴨, 小鹿(係村落度, 後花園係養小鹿班比, 勁..)

真係要同愛人去一次.. 哈哈..

p.s. 因為upload唔到D相去flickr, 所以要睇相就麻煩去facebook睇..

無聊人既無聊事..

先祝賀7月壽星仔女(包括岩岩出世或快出世既), 生日快樂!! 雖然無得同你地慶祝, 但我都希望係遠方送上祝福..

另外, 數數手指, 今年係我地CST上海/南京交流團10週年喇.. 10年人事幾番新, 有人做左媽咪, 有人移居外地, 有人努力向上爬.. 我有無進步過呢??

好懷念當年呀.. 成日話搞多次大旅行, 有可能會實現嘛??!!

人老左又無聊就鍾意想當年.. hahaaa

T 無聊..

呢排除左SENT左幾份求職信, 其餘時間都係無聊再無聊架..

如是者都由學生轉左做一個遊客, 去沙灘曬太陽, 睇音樂節, 太陽傘下食生蠔, 大減價血拼..

只差離開LR, 同搵實習..

幾時可以比我搵到呀??

上天安排..

之前面試左份實習, 雙方都好有意思一齊合作, 但最後竟因為無車牌而落空.. 失望故之然有, 只好去諗個天覺得份工太辛苦, 唔適合我.. (因為做的話, 連埋我公司都係得3個人, 咩都要做, 一腳踢..)

而家再不停地寄信, 因為我想係呢邊做實習, 總覺得就咁就返香港好似好逃避咁..

反正到8月底都搵唔到的話, 我就會返HK.. 所以無論而家幾咁想返都好, 我會忍埋呢2個月.. 幸運比我搵到的話, 或者有機會係做實習之前返一返..

祝我好運吧!!

鬱卒..

最近因為個社會保險問題搞到好煩.. 好鬱卒..

結果今日下就坐巴士出城時, 突然覺得個人好攰.. 自己又唔係屬於呢度, 搞咁多野做咩.. 好想就咁返香港就算.. 反正係香港做實習都係一樣..

不過, 我知道我只係係度逃避, 逃避去面對唔識既法文, 逃避去陌生環境做實習..

由我靜下... 由我呻下... 由我...

執一身彩..

話說韓國妹同北京妹既房東因為佢地係外地人, 就諗埋D千奇百怪既理由去扣佢地既押金..

佢地既房約到6月底, 照理間屋無穿無爛就要全數退回個押金, 但個房東而家就不停諗計去扣減佢地押金, 好彩我地都唔笨, 同佢死纏到底, 不過精神壓力就頗大.. 好彩當初我因為種種理由搬唔成, 唔係而家煩惱既人就係我.. 都唔計住既期間房東所做既種種荒唐事..

連搬個屋都煩..

打工之後..

完成左係法國既第一份工.. 好感觸..

1. 對於自己既差法文感到心寒.. 雖然無大過錯, 但由於溝通水平差太遠, 感覺自己始終係partner既負累(雖然佢地都好照顧我..).. 聽同講都係得一半半, 由其係年青人既法文同書本上既真係差太遠.. 只好退一步地諗, 自己係唯一亞洲工作人員, 都算係少少成就.. (自欺欺人.. 哈哈!!)

2. 展銷會有好多野食.. 因為不停有cocktail, 係連生蠔都有得食(hee, 我都食左..).. 酒水就更唔洗講.. 我估香港除左美食展之外, 其他唔會有呱..

3. 唔知係咪大家都無野做, D法國妹佢地傾計多過做野, 係香港做攤位時, 好嚴下, 斷唔可以週圍走去拎展品, 拎野食, 拎野飲(仲係香檳, 紅酒,vodka等), 仲係著住制服TEE喎..

經過今次之後, 真係覺得語言好重要, 你要花多一陪時間去了解你唔熟既語言.. 好攰呢..

打工..

第一次係法國打工, 雖然係打雜, 但都親身體驗到法國人既辦事方法同態度..

首先, 第一日係做開幕既預備工作(展銷會), 等左成朝先話禮品袋未到, 下就再黎.. 下就就真係做足3粒鐘既拆箱(我一個人)同packing, 攰到不得了.. (到而家都仲手臂痛..)

然後, 今日起就係正式對公眾, 我被派左去做info desk及查証件.. 其實我反而enjoy一支公係門口查証件, 因為只對業內開放, 大家都自覺地帶証件周圍行, 所以只係坐係度發"牛豆"就得(強項!!).. 法國人覺得係苦差, 不停問你 "點呀? 無人換更咩? 要唔要水呀? 要唔要休息下?" 等等.. 比起做info desk比人問呢樣問個樣, 我呢D隱蔽青年梗係想唔洗做, 唔洗出聲喇..

如是者, 一日做10個鐘(大部份時間係坐..), 做3日半, 包午餐, 著制服TEE, 人工仲唔錯.. 呢D工香港有無先..

心思思..

最近心思思想返香港..

但要平的話, 旅程實在太轉折, 只係見到都週身骨痛.. 又要趕車, 訓機場等等.. 要舒服的話, 當然係錢字行頭..

前途未卜亦係另一個問題, 想定左實習先返香港, 但又怕到落實時, 機票仲貴..

歐盟既同學仔就好喇, 話返就返, 週末來回都仲得, 又平..

香港, 好遠呀..

第二年係法國過生日..

估唔到連續2年係法國過生日.. 掛住大家..

今年既生日無上年咁悲慘(電腦事件..喇..), 雖然只係幾個朋友仔自己食飯, 但都好高興, 仲有蛋糕食.. 開心!!

^壽桃蛋糕喎.. 都係士多啤梨靠得住D..

又老一年..
出年唔知會係邊呢??!!

生日快樂!!

多謝各方友好既生日祝福..
我怕講左生日願望會唔靈, 所以就唔講喇..
總之生日快樂!!
媽媽辛苦你喇..

上年今日..

上年今日既而家就係我部電腦同IPOD比人偷既時間..

雖然只係D身外物, 但對於一個貧苦又無人無物既異鄉留學生, 就係我全部財產.. 死賊!!!

電腦度有好多美好回憶既照片, 而家就只可以記係自己個腦度..

一年喇..

打工..

考完試之後, 咩都唔想做..

但總要面對生活.. 係法國同學既協助(寫法文..)下, 我IN成左一個臨時工, 為期5日既展覽會打雜/接待..

不過都叫踏出第一步, 起碼係CV度可以加自己係法國度做過野, 希望對之後搵工會有幫助..

時間過得好慢又好快..

學生生活.... 結束!!

今日考哂所有既試喇.. 一出課室, 印度仔第一句唔係問你識唔識, 而係"student's life finish!" 過份!!

的確, 要上堂既日子已經完結, 亦唔洗再返學, 話咁快就讀完個master course, 真係兒戲! 而家要煩既只係搵實習, 同埋之後點行, 不過呢樣亦係最令人頭大..

開始有D無所事事, 雖然好明白仲有好多野要去做要去諗要去煩.. 但

"Give me a break!"

..p.s..想去散散心.. 有人嗎??

呢間學校無得頂!!

佢平時三日唔埋就轉課程都算.. 之前考試時間已經改過一次, 由下星期改做今明2日.. 都算喇..

竟然佢可以擒日改今日個時間表又無通知任何人, 原定今日只考一組, 下就3點.. 但佢改左係上就10點, 仲將聽朝個組改左做今日下就考.. 如是者, 我當然又係訓訓下比人叫醒話返去考試, 個時係0955囉..

哎!! 咩學校黎架.. 點跟呀大佬.. 唔好玩我喇..

仲抵死到考個D, 係完全無得溫, 咁你出咁多科, 分咁多組做咩??!!!!!!

p.s. 超鬱卒!! 今年無朋友來歐洲?? 好想有個朋友仔一齊去玩!!

好有道理..

公司增假期吸人才

英國其 他企業也推出類似的招聘僱用條件, 吸納優秀Y世代僱員，招聘公司Thorpe Molloy正是其一。該公司的25歲招聘顧問西蒙直言，公司吸引他投效的地方，正是在於「夠靈活」，有兩名同事曾請假1年到外地旅行，回來後便重返崗 位。他指出，阿伯丁一間石油服務公司，也成功針對Y世代，以豐厚退休金、健身會籍、旅行及年休機會，成功吸引了最優秀的人才。

西蒙說，年輕人常轉工，意味他們不會再忍受經常超時工作或少假期。美國 一項調查便估計，一名典型的Y世代，在38歲前平均會轉工10次。「他們想，為何要留在一間自己不喜歡的公司工作？」西蒙說。

Talentsmoothie指出，「嬰兒潮世代（45歲以 上）創造超時工作文化，X世代（28至45歲）只能勉強接受」，但Y世代絕不「為工作而活」，「他們會按時完成工作……但只是按自己的標準」。受訪Y世代 中， 有85％期望有三至七成時間在家工作，超過五成人希望有靈活的工作安排。

送別..

最近好多朋友都陸陸續續地離開L.R., 學期結束就是這麼一回事吧..

時間係無論你點樣努力都無辦法留住, 只可以無奈地接受佢係身邊溜走..

只可以希望, 大家有緣再相會吧!!

呢排..

突然先知既考試, 因為原本係9-12/6, 共4日, 但而家改左去5-6/6, 2日, 仲要考17科, 好彩好多科都用project代替左, 唔係仲唔知點算..(我一共讀左近30科..)

黎緊2個星期, 仲要應付3個projects, 以及farewell parties, 點解會全部逼係呢期.. 所以搵實習同寫論文都係延到6/6之後吧..

最近比較煩..

又到5月.. 又到左決定未來的月份..

好唔鍾意學期完, 因為你要開始再去煩未來路向.. 由於未搵到實習, 而家都只可以企係度.. 返香港又唔係, 唔返又唔係, 畢竟都係想搵份外國既, 賺下經驗先..

快D有份有聲氣..

Facebook

呢個平台對我來講已經變左係share合影既地方.. 尤其係D老外, 佢地好多時直接放D相TAG你就算..

所以大家有興趣, 有時間, 又有a/c的話, 你可以去我個profile度睇相..

苦旅..

今趟西班牙/法南之行, 簡直叫苦連天.. 雖然唔洗錢去, 但我情願比反錢佢, 等我可以留係屋企..

因為呢趟其實係聯營大學旅遊系學生既作業, 所以我地要去做人客, 比佢地實習.. 但佢地真係一D都唔PROF.. 仲要呢個原來係佢地既畢業作業.. 真係.. 仲衰過我做一日遊既表現..

行程混亂, 住食差, 態度惡劣(只對男性好.. 全女班導遊學生), 我地叫唔洗錢, 但其他人要比300歐.. 真係蝕哂..

我地唔洗錢既代價係寫12頁既報告, 但我相信會全部係投訴.. 唉!!!!! 撞鬼..

西班牙之field study

今晚出發去西班牙及法南一個星期, 好想返PAU呀..

但次次回來都要寫報告.. 今次個co-or仲懶到只係sent email比我一個, 叫我通知埋其他人寫報告既事.. 咁你發得MAIL就比哂所有人喇, 又唔加錢.. 成日當我係阿四...

星期二又要見佢.. 討厭!!

時光飛逝

話咁快就5月喇.. 剩反3個星期既堂就讀完我個master, 之後就考試, 寫論文同實習.. 好似玩玩下就讀完喇..

所有同學仔都覺得係玩多過讀, 咁又似.. 之前去左巴黎, 黎緊去西班牙, 仲會去wine taste, 6月可選擇自費去Las Vegas.. 果然係Entertainment Management..

但最煩當然係要寫論文同搵實習..

何去何從??

P.S. 祝聽日生日既Yanny生日快樂! 心想事成.. ^ ^

玩...

星期六及日都去左參加同班同學既聯誼活動..

星期六晚去左斯里蘭卡同學宿舍晚飯, 個個都係大廚, 所以D野食超好味.. 尤其係碟雞及自製腸仔飽..
當然大家仲飲野跳舞吹水咁.. 玩到接近2點先回家..

星期日請求左斯里蘭卡同學佢地開車去附近個小島玩, 個島都幾大, 但我地只係係個沙灘度HEA足5個鐘.. 玩狗玩排球玩浪.. (我打排球打到隻手紅腫左, 中學之後都無玩過.. 運動與我無緣, 而家手腳都有瘀痕..), 法國人真係好鍾意曬.. 唉..

打邊爐..

問人借到個電子爐, 終於都可以食到港式十下十下.. 好開心!!

亦由於食得太飽, 走左去學踩單車, 但用既係男仔型號, 車身高加有條橫樑係坐位同車頭.. 撞到八月十五鬼咁痛.. 當然亦都唔可以話識, 不過開始有D感覺, 領會到少少.. 我估踩小童個D應該或者可以..

下次吧..

香港

自問唔係超級愛港既人, 亦做人唔執著..

但估唔到會咁執著一個觀點..

話說我地遊到巴黎時, 同行上海妹話巴黎係一個國際大都會, 我認同.. 之後我就話香港都係一個國際大都會, 但佢就話香港唔算.. 原來佢所指既係偉大的城市.. 咁呢個香港一定講唔上.. 不過佢好強調香港之所以會咁繁榮只因為佢係一個殖民地.. 係由殖民地帶佢走上繁榮之路.. 我覺得佢咁話好抺殺左一路以來香港市民既努力.. 咁當初之可以成為殖民地都係因為佢有優於別處的地方, 唔係都唔揀你喇..

我知佢係經媒介去了解香港(鳳凰台, 算中立喇..), 但我始於認為你無身處過就自然有偏差.. 我唔要你一定要肯定香港, 一定要正面, 但唔好片面.. 只聽個一兩個既意見, 可以知道幾多.. 又了解幾多..

我雖不致於以身為港人為榮, 但我為香港既繁榮而自豪..

"同行的Tivona说，巴黎被她朋友改称为“臭都”，的确，地铁站里还常会有很不雅的尿骚味。。。我说，国际大都市，难免的。。。这就引起了我们之间的分歧，她拿出了香港来比。。。我的表达不够确切，应该说伟大的城市，难免的。因为伟大，才无所不容，从流浪汉到大富豪，所以，一城多面。。。她国际化的原因，是曾经世界文化中心的身份，从这一点来说，香港跟上海，连竞争的资格都没有。北京还勉强有得一拼。。。真正够格的，我觉得是已经没落的唐都长安。我身边有不少世世代代都是西安地区的同学，甚至有些老师，都长得很“欧化”，我没有考证过，我觉得他们祖先有中东，甚或印欧混血。。。今日的中国，我心中最伟大的城市，还是咱们的首都：北京

香港的繁荣的确不置可否，由于自由，他亚洲金融中心的地位，也是短期内上海无法撼动的。但对于她，我已经没有了往日的痴迷。随着慢慢长大，觉得香港的繁荣是“逆向”的，是由于当初殖民地的身份。。。所以在香港，中国人跟外国人说英语，但在北京，却是老外操着“京腔”侃大山。。。香港，繁荣富裕比北京强过千百倍，但就目前，不会有人说她伟大。"

食辣

最近同朋友仔傾開食辣既話題.. 我都發覺自己越食越辣.. 可能群得韓國人多, 不過我發現佢地既辣同中國既辣又唔同.. 佢地辣得來偏甜, 但中國個D係麻.. 好似老干媽個D, 我都仍然只可以係一小匙..

我用韓國辣醬煮既..韓國妹煮既..

2者我都食到, 而家食五香肉丁我都只覺得佢甜..

遊記??!!

Post左相片係相簿度.. 大家有興趣就睇下喇..

不過由於有太多既花同建築物, 所以只係好精華地放左幾十張.. 總不能10萬張都放哂..

希望大家會喜歡..

之於講到去玩, 最鍾意城市首選海牙, 唔知係咪係法國住得耐, 唔鍾意多人.. 海牙就正正唔太多人, 地方寬敞 (無amsterdam咁迫..), 又有shopping同museum既地方.. 最無聊就係鹿特丹, 影完最出名既建築物之後, 都唔知做咩好.. 最悠閒係colmar(好似叫科爾馬..), 因為去個日竟然所有museum休息, 我一定要再去個度.. (因為有2個博物館好想睇..)

不過一個人行, 真係會睇得好快.. 令到我多左好多時間都唔知點過好, 又唔想坐係街度(落雨又凍..), 但又唔想徒錢去飲咖啡.. 所以下次自己行時真係要安排得好D..

上一個星期堂之後, 就又有幾日假(5月1 前前後後都唔上堂.. 離譜!) 然後會跟學校去西班牙既聖地牙哥一個星期.. 感覺成個月都係度放假..

玩完返來..

只係太攰.. 仲未有能力去整理相片或心情.. 比D時間我..

但整體今次既荷蘭行都算可以.. 睇左想睇既, 連無諗過既都睇埋.. 另外2個法國小鎮, 因為之前有睇過一個明星特輯, 所以都有少少係去朝聖.. 但一個人去旅行真係好悶呢.. (呢2個鎮我係一人行..)

佩服喜歡一人行旅遊既朋友..

春回大地..

La Rochelle係一個旅遊城市, 法國第三最受歡迎既城市.. 所以佢既活動週期只係由4月到9月.. 即係話D居民只係做半年, 就可以維持佢地另半年既生活消費.. 幾勁.. 只係做半年就唔洗做..

今日出好大太陽, 雖然只有13度, 但已經個個夏天裝備, 短袖T, 短褲.. 女士已經係吊帶小背心.. 所以大家見到個廿零歲模樣, 但衣著係60幾歲: 夾棉褸+冷頸巾+長牛記.. 都好似見到怪獸咁.. 咁有風個時係真係凍喎..

anyway, 個城真係好熱鬧, 我個下星期就去荷蘭喇.. 希望都係大好天吧.. 另外, 會去strasbourg同 colmar, 呢2個係近德國既城市, 亦係電影"哈爾移動城堡"既藍本城市.. 我會影好多相架喇.. ^ ^

幸福非必然..

話口未完.. 我新買既褸, 著唔夠3次, 衫鈕就甩左加唔見埋.. 都話幸福係好可怕架喇..
(好彩有一粒"事啤"咁大把..)

幸運??!!

早2日其中一個韓國妹搬左黎我呢個宿舍, 點知就正正住係我隔離單位.. 不過, 大家比一樣既錢, 但我個單位係大D架.. 我都係而家先知原來係有差別..

另外, 同班既韓國妹同北京妹, 佢地住係市中心, 一直住得好地地, 但點知個房東原來係會趁無人入屋偷野, 雖然佢只係拎D小東西, 但偷野就係偷野, 佢2個住到好無安全感.. 諗反起, 最當初我係有份搬入去.. 我咁多可愛小東西, 好險呢..

但一諗到自己幸運, 就會覺得好怕.. 怕又有野會係我身邊消失 (電腦事件..), 所以之後既旅行, 我會萬二分小心..

Carnival

今日太好天, 所以都出城行下.. 去到近市中心既時候, 見到好多cosplay既小朋友, 先醒起今日有個嘉年華會, 雖然唔知主題係咩(我估都無..), 但D小朋友比父母打扮到好得意.. 有小小蜘蛛俠, 加納比海盜, 無數既公主, 最勁係扮得得B..

早前坐巴士都見個排櫻花樹開左花, 今日都專登兜去影相, 可惜係早2日都落雨, D花打殘哂..

揀左最靚個D, 放左係相簿度, 有興趣就去睇下喇..

近況..

過埋下星期一就放假喇.. 雖然有好多野要做, 但放假點都令人興奮 (不過放太耐都會無聊.. )

最近有開心野, 有唔開心野..

開心野係我阿姐會升職, 有種"守得雲開"既感覺.. 雖然個位可能難做, 但佢而家個位都唔見得好, 最起碼唔洗去到荃灣返工咁遠.. (當然錢都好重要喇.. HEE) 但下個就係我喇.. 我都要加油!!

唔開心野係好友既家事.. 家家有本難唸的經.. 希望佢可睇開D.. 雖然我唔知可以為佢做咩, 但我都好希望佢可以開開心心..

又轉季喇, 大家要小心身體!!

p.s. 收到小Ann既禮物, 多謝哂.. "你唔好再破費喇!!"

月巴..

一來放假, 二來有慶祝活動, 所以呢2日都係咁食食食..

先係星期六同個摩洛哥(非洲國家)仔farewell, 因為佢會去西班牙實習, 之後唔知幾時會見.. 所以係韓國妹佢地家開左個party, 食左好多野.. 佢係一個好NICE既人.. 希望以後仲有機會見面..

然後今日去左香港仔屋企同個上海妹慶祝生日.. 鑑於星期六食太飽, 所以今次改食中午.. 但都係食到好飽.. 但好彩有個晚上去消化..

放假..

Happy Easter!!

雖然只係放星期一咁大把.. 但總算係有一日多出來既休息日..

趕埋下星期既2科presentation, 就開始放春假, 有2個星期呢.. 加上之前調左D堂, 我由4月1號起就開始放, 放到21號先再上堂.. 足3個星期, 早知就返香港喇..

不過, 我會去荷蘭賞花.. 然後.. 未定呢..

有人要來嗎??

忙..

呢個星期忙到嘔.. 連續2科"甘"野一齊來..

先係casino management, 本身已經係上足3日堂, 外加個 casino field study, 都算, 佢仲要我地做present.. 雖然都習慣左要係好短時間做起, 但最估唔到係, 我地要係另一班30人既法國學生面前做..
好彩都還得神落..

忙完呢個, 跟手聽日要present另一份marketing既case study, 呢份我地做左好耐, 因有D唔知點做.. 星期五仲由朝早8點上到夜晚8點, 中間只有1個半鐘食晏.. 希望阿SIR會早D放..

下星期一要present 另外2份case study..

快D放假喇!!!

上年今日..

上年今日, 就係我回香港既日子.. 雖然係短短2個星期, 但對我黎講已經係好珍貴.. 尤其出席到無聊既婚禮, 真係好開心..

咁就一年喇..
話最快就過左..
呢一年都發生左好多事..

明年今日..

又會點呢!!??

p.s. 收到小ANN既電話, 多謝哂.. 我已經充滿力量喇.. ^ ^

香港人..

唔好意思, 呢度得2個香港人做代表..

當大家都以為所有香港人都好孤僻, 一放學就回家, 晚飯一定係自己屋企食, 唔夜蒲.. 我知道我地唔係大部份既香港人..

大家誤會喇.. 只係如其要抵冷去市中心, 要徒錢飲酒.. 我地更情願留在家做自己喜歡既事.. 只係唔想煩..

朋友飯局當然樂意出席.. 只怪我地小圈子活動好了..

Catastrophe (倒霉事件)

今朝超大風雨, 就係咁我把傘就咁爛左.. 哎呀!仲係蚊係日本買架... woowwoo

另外, 早2日同韓國妹講話我既體重創新低, 佢竟然話估唔到我咁重.. 真係撞鬼!! 唔講好過講..

同埋, 經過巴黎之行後, 覺得要係法國實習真係好難.. 沮喪呀!!

今日去巴黎..

去4日field study, 星期日見..

春天喇..

終於比我轉到個底紙.. 可以嗎..

今日去左個博物館, 裡面有一層係中國展品, D野好靚, 比羅浮宮既中國館正.. 真係偷埋唔少..

之後去左個公園, 春天到喇, 好多花都開左..

正..

29.02.2008

今日係4年一次既2月29日呀..

下星期就出發去巴黎field study, 但每人派完車飛之後就無哂下文.. 連下星期一既堂都取消埋.. 咁到底我地訓邊? 有咩行程? 牛記笠記得嘛? 迷之課程!!

其實都第3年辦呢個課程, 可唔可以做得有系統D, 話哂都係讀管理, 你可以管理得好D嗎?

英文..

唉.. 大大話話都學左十幾廿年, 但都係學唔好.. "書到用時方恨少".. 好句!!

每當要寫project既時候, 就會知道自己既英文係幾唔掂.. 而家聽講睇都無問題, 但一到寫就企左係度.. 最慘係分組時, 就更覺得慚愧.. 真係唔好意思拎份功課出來, 其實英文對同學們都係foreign language, 點解其他國家既人就可以咁好..

p.s. 今日小心情: 一氣收到2個包裹, 都係以前town hall既同事寄, 好開心!! 2位都好有心, 多謝哂 Joyce姐同Gary哥!!

最近..

如題.. 好多project要寫, 好多功課要做, 又要搵intern同寫CV等等..

放左學回家就完全唔想用大腦.. 只係想睇D野輕鬆下.. (星期六日勁做功課個隻)
最近比我發現左online睇"皆大歡笑"古裝版, 所以晚飯時間佢已經係我既最佳良伴.. 真係好抵死!!

預告: 嘔完1份project同2份case studies之後, 下星期有4日既巴黎field study, 希望無手尾跟.. (有不祥既預感..)

麥記..

我地今日開始上為期2日既Sports management, 但MISS用左3個鐘去講歐洲及法國既歷史, 完全同Sports拉唔上任何關係.. 所以到差唔多完堂時, 法國仔終於出聲, 反應左我地大部份既心聲.. MISS完全係窒左..

所以下就MISS只好出最後一招, 分組做project.. 唉.. 我地要present北京奧運, 指示又超唔清晰, 大家做到一舊雲.. 因為MISS由頭到尾都講過D咩technic, 我地就只好估估下去做.. 仲要係聽朝就要present..

如是者, 做到9點半已經餓到半死.. 完全唔想煮, 所以豪左比麥記.. (因為北京妹要上網, 而我又想食好耐..), 今晚食左個最平既cheeseburger+milk shake, 算抵! 用左1.9歐埋單.. 我見排前面個阿太用9.35歐埋單(1人份), 替佢肉赤..

但總算圓左想食麥記既心願.. hee

元宵佳節

由北京妹口中得知, 原來聽日(即香港既今日)就係元宵, 元宵節快樂!! (算節日嗎!!??)

今晚去左BAR度睇曼聯對Lyon, 雖然最後和波, 但算係第一次係L.R.睇波.. 不過大部份都係捧Lyon喇..

回家時, 見到個好圓好光既月亮, 有無大D就唔多覺, 但真係好光.. 可能呢度D屋都得幾層, 所以可以望得好清楚..

月圓之夜..

Internship

話說之前IN左個美國酒店既internship, 得7個人成功(35人面試), 我地班有2個, 我好似係其中一個 (因為得我無收到落選通知..) 但重點係, 佢亦無通知我係得左.. 好迷!! 又好似因為太少人成功, 所以學校將成個project推左.. 又係迷..

anyway, 會搵人問下..

另外, 我地原來可以搵其他國家, 如東歐或其他, 去馬爾他都好喎.. 都係留係歐洲版塊會開心D.. 之不過今日聽個介紹會, 我地要搵既係assist of manager既job, 要包埋marketing, cost control等等.. 咁如果只係想單純地搞活動, 好似有D難..

p.s. 傍晚放學回家時, 管理員叔叔送左2個大croissant比我, Lucky!

大發現!!

今日放學之後, 去左大超市度補倉..

今次自己一人去, 行得好FREE, 好耐無試過.. 因為平時韓國妹同北京妹都會約埋一齊去, 其實我覺得幾煩, 要等來等去.. 仲要好似保母咁, 佢地買咩都會問你意見.. leave me alone..

所以今日比我發現我細個好鍾意睇既一齣卡通片, 竟然有法文DVD, 仲大特價, 真係有一刻想買左佢..
齣卡通片既主角係宙斯個孫女, 叫咩名都唔記得喇.. 但個一剎真係好感動.. 係vol. 1既1-4集.. 有細路仔愛神, 有靚仔老豆阿波羅同隻鴨.. 好Q..

15.02.2008

話說學校擒日朝失火.. 好彩我已經放左學回家, 平安大吉.. 到夜晚同學同我講話貼左告示, 星期一先再上堂..

大安指意地訓到朝早9點半, 比電話嘈醒, 原來係個CO-OR打來話我仲咩唔返學, 同埋好通知其他人都唔返.. 無病呀.. 關鬼我事, 咩都係我錯..

果然人善比人欺.. 要做惡女!!??

由於失火, MISS左既堂, 由呢2日補反.. 好甘.. 下就由1300-2000, 聽日由0830-1600.. 想死呢!!

課堂休息之間, 拎左法國仔同學部iphone玩, 係法國用iphone上網不另收費, 好好玩.. 佢真係好有錢, 用iphone著VW.. 豪!

情人節快樂!!

嫁得喇..

黎到法國之後, 已經練就18般武藝.. 今晚又改左條褲, 夠高的話, 電燈泡都換埋.. 娶得過架..

話說學校賀年活動之後, 以為終於都可以休息一下.. 點知呢個星期一先apply份internship, 星期四就話要面試.. 百無之下, 又要夾著早少少放學(因為D店關1900, 我地好多時放1815..), 如是者, 今日放左學就喇喇林去買左對鞋同條西褲, 好彩有減價, 2樣加埋都仲可以接受.. (好多法國學生都係著SUIT.. 男仔就簡單喇..)

但重點係, 其實我唔係好想IN.. 因為係美國既酒店請人.. 不過當攞經驗..

p.s. 預祝波士生日快樂! 賺多D!! 有時間就來法國吧.. heee

順利完成..

學校賀年活動總算完成..

不過, 真係明白到唔同語言係會對溝通做成問題 (就算大家都係講英文, 都會有理解不同..), 亦明白到自己既不足之處.. 雖然最後吞左隻死猫, 同做左chief.. 不過我都賺左友情同人地既讚賞, 呢D比其他人既口臉來得更滿足..

新一年祝大家更進一步, 財源滾滾! 學業進步!! 身體健康!!! 心想事成!!!!

恭喜發財!!

鼠年行大運.. 心想事成..

真架!!??

"據《健力士世界紀錄大全》記載，「鴨脷洲」是世界上人口密度最高的小島，小島面積1.32平方公里，大約居住了90,000人以上，人口密度每平方公里68,200人，而我就是其中一個人。"
- by internet

年三十晚..

係今日嗎? 因為唔太肯定個時間..

點都好喇, 祝大家"身體健康! 財源滾滾! 心想事成!!"

我呢排都係咁喇, 好忙地上堂/做PROJECT/學法文&英文.. 不過, 因為個賀年活動令我更了解到我最鍾意既都係搞活動.. 無揀錯科來讀..

希望順利畢業, 學業進步!!

天冷

見到香港咁凍, 就會諗起打邊爐.. 好想食呀... 我呢度呢幾日都好凍, 大家要著多件衫, 小心身體..

自從開學之後, 日日都好忙, 長時間上堂 (呢2日上足7個半鐘/day, 人都癲!!) 用3日去讀一科都已經趕, 期間仲加插project同present, 日日頭都大.. 仲要個個prof都話要master level既野, 要深入.. 3日學到幾多??!!

手上要做既project已經有3份, 另外初一正日, 仲要搞個賀年節目(最有興趣同心機..
^ ^), 你地有咩就email吧..

攰!!

p.s. 收到朋友仔寄來既postcard, 好羨慕佢可以週圍玩..

點解..

究竟係07運滯, 豬年不順, 定係純粹既"個天唔鍾意我"..

最近運滯事件(唔想用到倒霉, 因為好似會無得救咁..)

1. 長居問題: 其實張長居已經拎到手, 本來都好開心下, 點知佢通知我交錢.. 眾所周知, 55歐既稅只係第一次辦時要交, 可以話係一生一次.. 所以當然要問.. 一問之下, 佢竟然可以話無記錄, 係我個檔案之中, 只有個張係唔見左.. 而家我可以KEEP我張長居, 但我要比証明我交左.. 大佬, 家下係你整唔見, 我搬左咁多次, 都搵唔反張收據, 加上, 我無交過的話, 你地會比張長居我咩..
現況: 打算寫投訴信, 錢亦唔打算再比..

2. 一直都有多一張電話卡, 係一年零幾個月之後, 終於搵到個人要左佢.. 點都叫做收下錢.. 但.... 張卡有效期半年, 已經唔可以再用, 連再reactive都唔得.. 好徒資源, 佢一定要你重新買過張卡..
現況: 扔了張卡, 錢亦都無..

3. 家人健康問題
現況: 大步檻過.. 但好想返香港睇睇..

不過, 經一事長一智, 我已經有D處變不驚, 或負面D, 唔相信"直路"/"無咁順攤".. 但學到一樣野, 可以自助的就嘗試去做, 唔可以既, 就只有靠個天..

終於都有香港人喇..

真係係法國讀書咁耐, 第一次有香港人係同一間學校.. ^_______________________^

不過佢係黎讀degree, 唔同班.. 之但係呢度咁細, 我地已經相認左.. 早知係咁佢就應該帶多D香港產物嘛...

魚旦 / 魚肉燒賣 / 粟米 / 打邊爐.. etc....

感謝!!

收到波士同蚊既禮物, 好開心! 舒緩了最近低落既情緒..

另外, 亦收到家中寄來的補給物.. 半年唔知會唔會食得哂.. 所以唔客氣地請大家唔好寄野食比我 (由其係要煮個隻.. 或者根本無人會寄.. Orz)

大減價

法國而家係冬季大減價, 去巴黎之時減價未開始..

為著之後既實習, 或見工用, 都打算買條西褲或裙, 加買對皮鞋, 咁就萬事大吉.. 故此今日都去市中心睇下.. 但見人人一手幾袋, 好似唔洗錢咁, 我就咩都買唔落手..

平既嫌質料差, 貴既又買唔起.. 我真係咁"厭尖"咩...

成績

今日去印證左個聽聞..

之前讀到想死, 又做到想死既intercultural management, 竟然有19/20 (20係滿分), 一直都唔相信, 因為都真係由本死地到最後求其地交左.. Anyway, 要多謝各位幫我做過問卷既朋友仔, 多謝你地比我靈感去作.. 多謝Winnie Lau幫我一齊set問卷題目, 多謝多謝!!

仲有其他幾科, 只知法文15.4/20, 另外個2科未有.. 慢.. 希望合格喇.. 忐忑中..

開學喇..

之前仲聽聞有20零個同學仔.. 今日得6個人上堂, 仲好似最多唔過12人.. 小group都好既...

今日新加入既係2個法國人(唔明佢地點解揀英文教學..), 另一個係印度人.. that's all!!

得1日半堂既會計(無錯, 聽日就上完..), 都唔太難.. 但因為係酒店範疇, 有D都無見過.. 不過個MISS好NICE, 好好笑容..

但第一日就上會計.. 好攰呢....

返學時間表

半年讀27科.. 都估到有幾intensive, 好彩都唔太恐怖..

一係0800到1630, 一係0945到1815, 無之前咁變態由0800到2000.. 但每科都係用2或3日去讀完.. 到考試時都唔知仲記唔記得..

之間仲加插左D field visiting: Paris / Theme Park / Casino, 好似都幾好玩..

星期一開學喇.. 加油!!!

巴黎行。相

由於朋友仔要返學, 所以9成時間係一人行, 無咩自己既樣..

有興趣去相簿睇..

巴黎行

一如所料.. 係大減價之前, 通常都唔會買得落手.. 得個睇..

雖然係第N次去巴黎, 但今次去左D無去過既地方.. 都幾有驚喜, 好多第一次..

1. 去左凱旋門個門底, 而唔係係馬路影.. 係門底影香謝麗欐同新凱旋門都幾得.. 可惜係個日陰天..
2. 去左一條令我覺得身處倫敦既街.. D舖頭幾得, 仲有間古著店, 好抵買下..
3. 去左一條巴黎版原宿街.. 有好多仿名牌衫同板仔衫.. (仲有好多sex video shop, 大開眼介..)
4. 係華人區, 有間超好味既越南餐廳, D生牛/牛丸河好好食.. (估唔到係華人超市比L.R. 要平...)
5. 係地鐵幾乎比個黑鬼偷野, 好彩眼明手快, 但都嚇死死..
6. 去左好多之前無去既名勝, 教堂, 博物館..

總結今次都幾多驚喜, 就算最終都買唔成要買既野, 但都幾好玩..

百尺竿頭, 更進一步

又係新既一年, 好自然又諗起潘副校既金句.. hohooo

元旦日去左韓國妹既新居(原本亦係我既.. = =), 當日好好天, 個天好藍, 好有新氣象既感覺.. 係佢屋企一齊煮韓國小食, 煮晚餐, 又整曲奇餅, 2個玩到第2朝3點先訓(佢好似哩係房睇韓劇到朝早7點先訓..)

總之過左個好開心既元旦日..

預告: 聽日出發去巴黎1星期, 9號返, 期間無得上網.. 所以回來先再補反..

Bonne annee (法國版)

法國都踏入2008喇...

估唔到係8點新聞, 都有介紹香港國金既煙花.. 雖然得4秒到... 都幾靚呀.. 放到成棵樹咁..
岩岩係BBC NEWS又睇左次...

我住呢邊踏入08年, 好多人放煙花, "彭彭"聲, 可惜太大霧, 8唔到..

點到好喇...

新年快樂!!!

Bonne Annee

新年快樂!!!

雖然我呢邊未到, 但係要同香港時間同步地POST.. heee

今晚會一個人過, 買左好抵既三文魚同上次聖誕餐剩低既啤酒, 自己一人賀賀佢..

祝願新既一年, 大家身體健康, 工作順利, 學業進步, 好既事唔好比佢停..

Tous mes meilleurs voeux de joie!!

Je vous embrasse!!