18-12-06

今晚掛住 “串門”, 都唔記得睇時間, 結果到11點先匆匆忙忙地返房做功課..唉..

不過佢地煮既野食真係好好味, 係呢度住落去一定會月巴吧..

17-12-06

住左入黎之後, 覺得呢度有好有唔好喇..

唔好既係, 要同人share 廁所同沖涼, 我都唔明點解唔分開男女各一幢, 反正佢呢度都有A / B兩幢, 一幢男一幢女係咪會好d呢.. (雖然擒晚係廚房撞到個靚仔..) 之但係, 個廁所真係比人用到都唔想去, 沖涼又係, 要夾岩個timing, 因為有好多佬係度行來行去, 好唔自在..

好個方面, 就係同中國妹佢地一齊, 可以有好野食, 我擒日就有幸食到佢煮既雪耳糖水, 好味呀..

如果佢係可以有獨立既衛浴就好喇…

16-12-06

住左入黎喇.. 好幸運地擒日有英國阿太同學既幫忙, 可以用車一次過將9件行李車哂過來, 另外亦都要多謝中國仔幫我拎哂d好重既行李, 仲有中國妹既清潔用品.. 總算搞定喇… 多謝哂!!!

但係接下來就有好多事要做, 偏偏我個委內瑞拉同學又係同一晚搞左個party, 所以我要9秒9咁整左件被先, 起碼都可以返來即刻訓.. hee, 不過, 我都好快手快腳地係出發之前, 將d物件都叫做分好哂, 大致都叫做ok架..

係暫時仲未決定到我d書同筆記應該點擺好..

p.s. 不過, 我已經好擔心如果我要再搬的話, 咁多東西, 點算!!!???

14-12-06

到喇.. 今晚係我係呢度最後一晚喇..

估唔到我2個o急入屋, 最後係有太多野要拎走添, 雖然我個英國同學好nice咁話幫我將d野車過去, 但真係太難為情, 而家有咁多行李都唔知點算..

咁.. 有朝一日我返香港的話.. 點算…

11-12-06

Yeah!! 今日岩岩問完朋友仔, 應該點樣同屋主講話我住到15號搬, 想問佢羅返錢, 我仲抄低埋個句子, 諗住留紙仔比佢 (因為好日都唔見佢一次..), 點知一入門口就見到佢.. 雖然尷尬, 但係, 醜婦終須見家翁, 所以就一口氣咁遞左張紙比佢睇… heee, 佢睇完就話明白, 之後真係比返錢我, 仲係cash… 好開心呀…

好開心佢咁明白, 之後佢仲同我講話可以食佢雪櫃d野 (其實幫佢清貨.. ), 早講! 我慳返買雞蛋錢… 佢個雪櫃起碼有一打雞蛋無郁過.. 不過, 而家最重要係係佢搬走個洗衣機之前, 快d洗埋d床單/被單等等.. ouch!!

p.s. 今朝好凍, 連路邊既草同落葉都結哂霜.. 唔洗去大帽山睇.. 哈哈…

10-12-06

嘩.. 今日連個電視都搬走埋喇.. 咁我都打算問下佢, 可唔可以我15號搬, 而佢比返個半個月既租我..

所以大家唔好寄野比我, 要寄就用新地址, 不過再提一次, cite個e上面係有由右上至左下既一撇, 大家要留意呵..

話說擒日將d唔用住既野搬過去新房間, 當走個時, 聽到隔離房有人講中文, 中國仔就推左人地 (即係..我.. ) 去同人家打個招呼, 個下真係超火農.. 但叫做知道我隔離同隔離對面都係中國女仔, 佢地好似都幾ok咁.. 早d搬過去吧…

p.s. 收到annie仔日劇既碟, 其中一輯係“食探在香港”, 見到香港既街道, 好親切呀!! 佢仲影到珍寶海鮮坊同丁丁既鴨月利洲呀.. 好掛住.. 仲有好多好野食.. 好想食“千兩”同其他野食呀…

8-12-06

開始將d暫時唔用既東西搬過去宿舍個邊, 仲諗住唔係好多野, 點知放滿個細o急都只係放左一層既書同文具, 仲諗住放埋唔著住既鞋同廁紙, 都已經無位同幾重添.. 今日仲口輕輕同中國仔話唔洗佢幫手, 反正都唔重.. 錯呀! 好重呀, 可能都係d書呀, dvd呀…唉..

由於擒日上唔到網, 令我好鬱卒地開始睇好唔好買新電腦, 後來經我諗左一晚, 我都係暫時唔買住, 反正宿舍可以裝上網, 咁我係宿舍上網咪得囉, 計落條數仲平d, 又可以唔洗將部電腦拎來拎去 (鬼咁重呀..) 又唔洗同人爭機爭插頭.. 得呀! 等我旅行回來就申請先… super!!

p.s. 今日收到小ann既包裹, 好開心呀.. 不過嬲佢呀, 成日都唔同人計錢.. 你想要咩聖誕禮物呀??

7-12-06

點算呢!! 今日係學校竟然用唔到自己部機喇, 因為部腦同個usb wifi既driver應該撞左, 部腦detect唔到, 所以唔可以用部機上網.. 咁我好唔好將usb wifi退返去, ?反錢, 然後買部新機呢??!! 我唔想成日都係上網既問題上煩.. 但.. 好窮呀..



另外, 因為個blog唔食法文字, 所以個地址諗諗下好似有d問題, 我將佢重新抄左出黎, 影埋相, 我諗大家咁樣睇會清楚d呱..

6-12-06

今日上上下堂個時, 突然好想返香港, 唔知點解!! 只係好想離開呢度, 返返去我認識既世界…

上埋呢2個星期, 我既第一期法文就完結喇.. 叫做有少少進步, 不過好似距離可以獨自生活仲有好遠咁 (雖然都生活左2個半月..), 好快我就要離開呢個屋簷, 去另一個世界 (都有少少唔捨得咁好既生活環境, 起碼叫有自己廁所同沖涼房,仲有洗衣機同雪櫃.. ), 可能我潛意識都係有少少抗拒係宿舍生活吧, 我咁大個女都未試過.. 都有少少擔心架.. 又唔知d人會點, 又霉霉得得咁… 唉…

希望07年會更好吧..

5-12-06

今日定左住邊間宿舍房間喇, 我係同中國妹佢地住埋同一座, 但唔同層數, 間房我見人地都好新淨下, 但自己個間就好霉咁, 可能咩都無呱.. 希望住左入去會有另一番景象..

新地址:
CHENG Chui Luk, Tivona (為安全計, 大家最好寫我全名)
B332 Cite Corisande D’andoins
3 Avenue Saragosse
64000 PAU

而家開始大家就可以寄呢個地址喇.. 我咩都會要, 哈哈…

4-12-06

今日搵到宿舍喇, 係住近中國妹佢地個邊, 真可惜!! 因為個度離學校比較遠, 而且感覺治安唔係咁好咁 (因為我識既其中一個中國妹就係條街度, 傾傾下電話比人搶左部電話).. 但已經無其他選擇, 所以平平地 (一個月先124euro仲可以申請房津), 小心d地住喇.. 反而最開心係中國仔, 因為住近佢, 可以之後share上網同食飯 (哈! 佢屋企搵人送左個電飯煲比佢, 但佢根本就唔煮野食, 都係黏餐, 咁我就可以用佢架喇…) 反正我都無咩所謂, 如果之後又係同一班亦都可以一齊返學, 有人陪下都好.. 不過, 我都要講句, 中國仔有個未婚妻, 我唔會同人爭, 佢亦都唔係我杯茶, 大家唔好亂諗.. hee

話說房東都會搬家, 佢同我講月底搬, 但係個廳而家只係剩反個電視 (唔知係咪留比我睇電視), 但係無得坐 (因為其他野已經吉哂), 我每晚入去睇電視都要自己擔凳仔, 煩.. 我又唔想白蝕比佢, 點都住到22號, 唔係都20號先搬.. 但見間屋吉成咁, 都住到好無癮…

近西班牙既小鎮 (2-12-06)

今日跟學校去左一個近西班牙既小鎮, 叫San Sebastian, 佢其實係屬於 Pays Basque (呢個都唔知叫唔叫做一個國家, 因為法文Pays係指一個國家), 反正佢又係一個沿海城市吧.. 好多人都同我講話呢度d野平d, 你可以係呢度大買特買.. ?!! 佢呢度1330 – 1530係lunch time, 好多店都係關門既, 我地偏偏係呢個時候到達, 跟住又落雨, 超無癮, 等到佢1600 – 1630 d店開門個時, 都已經支力到唔想行.. 但當我地返上車個時, 見到其他人係買到野!!.. 我同中國仔就反而只係花錢係食上面, 我地真係兩手吉吉地回來.. 不過食左d Pays Basque既土產, 又食左西班牙口味既麥記, 都唔錯呀..

旅行回來就收到媽媽織既冷背心, 雖然係背心, 但著上身就覺得佢好暖, 果然係溫暖牌, “零舍不同”.. 哈哈..

30-11-06

擒日過左好鬱卒既一日..

話說我上堂又被miss捉住話我d拼音唔得, 仲要係用 “都咁耐喇, 仲係咁..” 既口氣, 咁大姐!!我都想一步登天喇, 你估真係你講一次就記得哂咩.. 我去上拼音班, 每次得個15至20分鐘, 有排都未教到點讀成個字, 而家都係教緊單音咋.. 咁我可以點喎… 又唔見佢對其他人咁高要求喎!! 係都要盯住我.. 雖然其他同學仔都叫我唔好介意 (係連其他同學仔都睇得出佢對我特別緊), 但邊有可能唔介意呀… >.<

好鬼老土架!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

p.s. 早兩日係電視睇左齣戲 “wasibi”, 有廣末涼子同jean reno個齣, 最好笑係jean reno去到日本, 佢所接觸到既人個個都識講法文, 包括機場既關員/酒店接待員/bell boy/銀行職員/黑幫大佬, 當然仲有廣末涼子.. 但我去日本個時, d人連英文都唔識多句, 咁唔通d日本人係講法文既, 法文係日本既流通性係咪比英文高呢??!! 不過, 係呢度又都幾多日本留學生.. 日本人果然係祟法.. 哈哈… 日本牌子 “tout-a-coup” 係法文解 “突然/忽然間” ….

28-11-06

裝左usb wifi之後, 我部機既紅外線就同部手機完全connect唔到, 之前都仲可以將手機既圖片sent到電腦度, 而家係 “找不到裝置”.. 唉..

不過望住而家部手機, 好似望住部新手機咁, 原來有色同無色, 比人既感覺係差咁遠, 我而家就好似有部全新既手機咁, 哈哈… 好開心..

今日又嘆左一條皇帝蕉, 以前係香港 “o矮”都唔食, 而家就好似有寶咁, 一日先可以食一條.. 唉~真係人離鄉賤…

好, 又講下人地壞話先, 話說岩岩同屋主講左話22號到1月7號去旅行, 可唔可以將d物品放係度先, 佢竟然話佢30號都會搬, 嘩!! 咁佢咪白賺我個9日既錢.. 學校個邊又唔知有無房?? 咁我d野擺邊?? 返黎訓邊??

另外, 上次同個中國仔去逛街既時間, 係巴士站撞到d中國學生哥, 咁我地就join埋一齊行, 其中有一個知道我係香港人, 就係咁捉住我學廣東話, 仲係一句我覺得有d貶意既句子, “各國國家有各國國家既語言”, 好似佢咁讀唔正, 就係各各各咁.. (大家明喇.. ), 所以為左唔好影衰我地, 我用劉家傑字正腔圓既口吻, 朗讀左比佢聽.. (好彩平時無懶音.. ), 哼!! 想睇小我地.. 不過佢地都話估唔到香港人既普通話都咁好.. 哈哈….

p.s. 咁順便通知埋大家, 因為會搬, 所以如果寄野比我, 最好係12月5號之前, 唔係就等我有新地址再寄喇..

27-11-06 下

真係人都癲… 我岩岩先知, 原來我一直以為係手機mon 貼既mon貼, 只係再protect mon貼既藍色紙, 因為奇怪點解個mon會有個框, 所以先發現張mon貼原來係透明無色..

真架!! 我一直都係咁樣去忍我部手機..
(都好彩係自己發現, 而唔係等香港既朋友仔來到法國先話我知, 否則我會受唔住…)

另外, 係學校上完網之後, 去左超市度搵有無麵粉─因為早幾日買左件雞胸肉, 所以想煮北菇滑雞飯─問左媽咪點煮之後, 原來仲要買麵粉同薑.. 當我又一次行經賣薑既亞洲攤擋, 我終於都抵唔住, 買左4條皇帝蕉, 但一磅我就後悔, 4條 - 係細細既4條, 竟然要2.81euro, 根據我同學話我知, 而家1對10.02港紙, 咁個4條蕉仔就要成28.15港紙!!!! 好貴呀…. 我相信我返到香港, 會咩都食, 咩都好..


係買左沉重既材料之後 (個心都重埋.. ), 返到屋企就急急腳地煮..

好成功呀, 好味!!估唔到第一次就有咁既成績, 返到香港我可能已經識煮“九大鬼”, 你地等我..

p.s. 最近煮食送都會諗起麥o麥套戲, “滑蛋蝦仁” / “北菇滑雞”, 好自然d片段就會浮現, 令我好似傻婆咁, 一路煮一路笑… 哈哈…

Super

學法國人既口吻!! 我買既usb wifi終於都無o徒我錢.. 今日成功地可以係學校度用自己部機, 咁以後可以唔洗去同人爭機用...

等出發..

今日同個中國仔去左市郊既家樂福, 不過都係不外如是, 我反而覺得學校間超市好行d .. 之後我地返去市中心逛, 原來除左lafayette個專櫃之外, 仲有一間l’occitane專門店係冷巷度, 所以下次再出市區就去買先, 佢個支cream好好用.. 仲平過香港少少… hee

另外為左芬蘭之行, 都刻意逛下有無d咩需要買, 所以今日係運動店見佢對columbia行山加行雪鞋半價 49.95euro, 都可以接受呀, 反正都係需要 (因為呢度行日都有行山團), 之後又買埋條雪地褲, 試個時真係熱死 (因為店內係開左暖氣.. ), 但由於係童裝, 所以只係30euro, 好抵.. 而家萬事俱備, 只剩出發而已…

24-11-06

糾纏左好幾日既增值卷, 呢幾日搵左好多人幫手, 但都波折重重, 今日只好找miss出手, 叫miss幫我打電話去問, 點解唔用得… 但個答案係出人意表地, “睇反記錄, 你已經係用左張增值卷, 所以唔可以再用..” 問題係我都無做過.. 但佢話有哂我之後既對話記錄, 咁我仲有咩好講.. 唯有當破財擋災!!

所以今日係好無mood之下, 我終於都買左usb wifi, 今次呢個應該係work既, 不過因為屋企呢度附近都好似無人用wireless, 所以暫時都未試到, 星期一返學校試下先… 另外又買左一盒好貴, 成5x港紙既翡翠螺拼凍蝦, 好味還好味, 但一路食就一路擔心, d翡翠螺係咪已經煮熟, 因為佢個包裝紙又無話 “ready eat”, 但佢拼凍既熟蝦, 咁佢都應該係熟架喇.. 我遲下話你地知我有無出事…

p.s. 係超市度見到有得賣皇帝蕉, 但竟然成10.99euro/kg, 我見佢有3, 4 條一札, 都有d心動想買(因為我好鍾意食), 不過最後都因為佢太貴而無買.. 唉!!

20-11-06

今日坐英國阿太同學既順風車出城, 慳左一程腳骨力, 不過都係得個桔..

個sale姐姐仔用我個手機打左個電話之後, 就係個電話增值卷上面寫同話“你打去900, 我呢度幫唔到你”…. 搞錯!!

聽日要捉住個中國妹問下先... 煩!! 我都覺得自己煩, 成日要搞住人地, 遲下無朋友..

係好無mood又無聊, 就走左去超市度, 買左d好似好好味既雞肉返來煮.. 所以今晚食左個豐富既晚餐..

係欠左個湯, 咁就完美喇.. 好想飲花旗蔘竹絲雞湯… 同埋終於成功地煮到飯喇, 好味!!

19-11-06

聽日又要出城, 話說之前買左個電話增值卷, 直到擒日打算增值個時竟然話無效… 太過份, 錢呀… 咁梗係要搵佢地理論.. 我仲要擒日先係城回來, 聽日又要再去過, 煩… 我呢度出城來回要行成個鐘, 仲要呢邊落雨添…

p.s. 祝阿姐生日快樂!!! Joyeax anniversaire!!

17-11-06

今日又買唔到usb wifi, 成日都無貨, 離譜..

為左巴黎之行, 最後都決定買一本法文版回來睇 (其實都係得法文可以揀, 只係諗好耐好唔好花錢買), 不過都好開心, 我睇得明呀!! 咁每個字就梗係唔得, 但係大意都知佢講咩… 好感動, 起碼覺得自己有d成績..

講返今日個上堂情況, 因為今日我地班搞大食會, 所以下晏無堂, 超開心.. hee, 我地每一位都要煮或帶一樣自己地方既食物.. 係諗爆頭加有限材料加有限手藝, 最後我煮左炒公仔麵 (因為媽咪寄左好多.. :P), 個賣相都幾得架, 味道都幾好呀, 不過都因為太多野食, 所以無清碟, 可惜.. 哈哈…

呢個係前一晚自己試煮

呢個係今日既製成品

不過, 韓國妹d祕製牛肉, 墨西哥阿太d朱古力甜梨, 美國妹d香蕉蛋糕都超好味, 搞到我成個下晏都好飽, 晚飯都唔想食..

p.s. 今日係去超市既必經之路發現左平時聖誕節一定見到既飾物, 原來真係有呢種植物架, 我仲以為係d人諗出來, 我畫公仔都畫佢唔少.. 真係大鄉里出城!!

16-11-06

擒日去左韓國妹宿舍食晚飯, 其實本來只係打算去佢宿舍拎harry potter回家燒隻翻? (不過隻碟係lock左, 唔copy得, 激死!!), 但係佢好誠意權權咁留我食晚飯, 所以我又有飯食.. 係米飯, 因為韓國妹佢地都係食飯既, 食完之後搞到我都好想食飯, 所以今日就雞咁腳走去買左d米同入得微波爐煮飯既盒… 嘗試煮我既第一餐米飯..

為左令d飯好味d, 我仲放左半條臘腸, 點知最後都煮濃左條臘腸, o徒左.. (心痛中), 只好係d飯上面加肉鬆食, 好味!! 以後可以自己煮飯, 正!!

另外, 我最近食左好多藍精靈爸爸, 美芝, 貪靚藍精靈等等, 因為有隻糖係crossover藍精靈, 好盞鬼, 可惜無家達同佢隻?, 唔係就爽喇.. 哈哈…


p.s. 呢度d dvd碟真係貴到離哂譜, 10隻16x既dvd賣 29.9歐羅, 即係成29蚊港紙一隻, 香港一隻最貴咪5蚊…

11-11-06

好支力呀!! 每次跟學校去完遠足都好支力, 因為呢度真係係山腳落車之後就自己行, 仲係行足一日, 擒日係上山再落山, 超支力!! 但都值既, 因為我去左凱?既山, 真係有九成似.. 有好多有o郎o郎既牛/羊/馬, 連驢仔都有, 都真係第一次見實物.. 城市人… 我地亞洲地區既人, 係不停地影相, 咩都覺得好新鮮.. 但歐洲同美洲既人就不停咁行, 可能佢地已經見慣見熟.. 仲覺得我地好鄉里, 咁都未見過…

要睇相就記得去相簿個link, 我會不定期update..

10-11-06

好開心呀!!今日一連收到2個包裹, 不過有一個就仲keep係郵局, 但係我知係公司同事寄比我, 好好好好開心!! 其實我係咪好煩呀, 好似成日都係度打搞人咁… 唔好意思!!

不過係香港真係寵壞哂, 以前可以話上網就上網, 要印文件就印文件, 要影印就影印, 仲要印得唔靚就再印過, 文具可以係公司拎, 但係呢度就唔可以咁隨心所慾.. 係學校上網要睇下有無吉位, 印文件要先將文件下載再拎去第二間房搵第二部機印, 影印要5毫港紙一張, 印衰左都要照比錢, 文具係呢度又貴到死.. 好懷念香港既方便..

9-11-06

果然係“馬死落地行”, 話說之前買左條牛仔褲, 係香港的話梗係交比媽咪或者叫間舖頭改, 奈何係呢度就只好靠自己, 用左2個半鐘成功地將佢改短左 (handmade)… 好大成功感呀!!

係咪都見得下人呢..

今日開始去上拼音班, 係一個老師對一個學生, 不過因為我同學同我一樣, 所以我地就一齊上, 不過真係好難呀!! 條月利都唔知點擺, miss畫埋圖“口腔橫切面”去講解, 都仲係好難捉摸, 我同我同學都有好嚴重既問題, 所以miss都安排我地上多d會話班.. 咁其實pau既語言班都幾認真, 估唔到誤打誤撞都比我撞到間好學校…

加油!! (好似成日講呢句鼓勵自己咁.. )

p.s. 今日自己醃青瓜, 都唔錯, 真係我d家政原來都幾得..哈哈…

8-11-06

比人傳染.. 我個同學仔病病地, 分組個時同佢一組, 搞到我都病病地, 呢2日都勁頭痛, 感冒岩岩起個隻… 藥都食左, 希望無野… 星期六去遠足架嘛..

另外, 終於都識左個個廣東話人, 佢地係廣州架, 不過係黎讀master預科班, 我都唔知有呢樣野, 但佢d法文都麻麻, 又好似唔一定要佢地上法文班咁, 我都唔係好明, 下次見到要問得仔細d先得…

6-11-06

常識題:
七大洲五大洋係邊七大洲??
中文文法有無時態??
pretty woman香港譯咩名??
第1及2題因為好多人問我, 我都唔知點答.. 七大洲數極都係得六個, 中文都怕且無時態呱.. 第3題就因為諗極都諗唔起.. 有無人知正確答案, 不過係無獎.. hee, 知就留言喇… merci beaucoup!!

呢幾日個天真係藍到好假, 雖然係咁, 但都開始慢慢咁凍, 我同屋主話我好凍之後, 佢都幫我開左個暖爐, 所以係屋企或者係學校都無問題, 最凍係行返學校個程… 不過成地都係落葉, 都好靚下架, 好多學生會特登踢d樹葉, 或者係d厚厚既落葉上面行 (當然我都係.. :P), 個感覺都幾正架…

4-11-06

點解而家唔係法郎既時代呢!!! 由於天氣突然轉冷, 所以今日就出左去買衫買冷帽, 因為真係太凍喇..當我望住張單, 就會好懷念法郎, 因為1歐羅等於6.559法郎, 即係97.42eur, 法郎都只係639.03, 咁就差成3舊幾水喇….錢呀!!! 但其實而家都已經無人用法郎, 都唔明佢寫黎為咩?? 比人得個恨字, 係咪比錢個時, 我可以揀比法郎先…唉…

p.s. 人地一日一蘋果, 我就一日一蕃茄, 希望唔好病喇… 我仲要去玩架…heeee

friendship..

靚靚呀!! 今日收到韓國妹送左個有韓國傳統味既電話線比我, 好開心… 其實之前佢為我一句“我好想去呀!!”而突登陪我一齊去下星期六既郊遊, 已經覺得好感動, 有佢同我一齊上堂真好… 雖然而家仲係有d雞同鴨講, 但假以時日, 我地一定可以溝通到, a za!!

好味呀!!

好味呀!! 今日買左新鮮既蘑菇做晚餐, 真係好好味, 又唔太貴, 掂呀..


另外, 今日好凍, 出好猛太陽, 但都係得10度到, 我係屋企就未開暖爐住, 但都著住件比較厚既褸, 費事病..啋啋啋..

香港個邊呢? 開始凍未?? 你地都要小心身體呀!!

Halloween

擒晚Halloween, 我都湊熱鬧地去左個同學屋企開既party.. 不過其實都好無聊, 只係各有各地聚埋一齊傾計, 聽下歌咁, 之後到左一點半就再落disco, 由於實在唔鍾意落disco, 所以選擇左返屋企, 但成點半係條街到行, 由其一個女仔, 其實都幾驚.. 所以有咁快行咁快, 半個鐘既路程, 我用左20分鐘就行到屋企, 不過都真係泊得住跳舞, 對腳之後幾痛… 我個同學係墨西哥人, 本身都好靚女, 佢男友係法國人, 又係好靚仔, 真係一對璧人.. 至於去party既就… 好似賊咁, 不過我估佢地都係好人黎既…所以無艷遇.. (唔係都唔會自己返屋企..)
不過, 我個韓國妹同學扮貞子, 真係好似, 好好笑… 我同班韓國女生一齊仲多過同中國人一齊, 不過佢地真係好nice, 同好照顧我, 係個party度怕我悶, 會不停問我 ca va? (即係ok?) 我又可以同佢地練法文 (因為佢地唔多識英文, 法文又高我幾班..) 正!!

不過跟住放既all saint day, 就好無聊..溫完書又無地方去… (因為公眾假期無舖頭開門…)

好幸福呀!! 今晚煮左碗蕃茄豬骨湯出前一丁, 好味呀… 其實我唔鍾意食蕃茄, 但都要迫自己食多d唔同既蔬菜, 係呢度咩都係朱古力, 我係香港無既暗瘡, 係呢度都出哂呢.. 另外, 如果係有朋友仔去外國生活, 記得記得要帶“筷子”, 由其當你煮公仔麵既時候, 真係比叉好用好多..


p.s. 張pcmcia卡終於都成功地退到, 好唔好買個usb wifi試下呢??

30-10-06

Yeah, 今日好成功地將張pcmcia卡轉左另一張, 仲有錢拎反 (因為換個個係平d.. ), 不過部電腦都係detent唔到張卡, 咁可能係個卡糟有問題呢, 聽日又要走去退, 希望順利吧….

所以今日就開左支mini紅酒(rose), 都係時候要開始train下自己既酒量, 雖然始終唔鍾意酒精落肚既感覺, 但係法國.. 酒仲平過水(或汽水), 咁好吧! 開始吧…

不過係張相度個d係薯仔粒, 但係個樣真係好肉酸, 我仲貪平買2包, 唔係話佢難食, 而係個樣見到都唔想食..唉… 只好同自己講無野無野, 夾堆其他野係咁食….唉…

29-10-06

好感動呀!!今日有飯食呀… heee 我今日去左中國妹佢地宿舍度整個floppy disk, 但都係唔成功, 之後我地就一齊食晚飯, 係食炒飯同用筷子…終於有一餐晚餐唔洗自己食同埋食中餐… yeah!!!

p.s. 由今日起, 法國會慢香港7個小時, 好零丁.. 佢係每年10月第4個星期日轉反做冬令時間…

27-10-06

不過個天真係唔鍾意我….唉…….話說為左可以用自己部notebook, 一定要係學校用無線上網, ok!! 咁咪走去買個pcmcia卡…竟然買個盒係用floppy去install.. 天呀!!仲有咩人會用disk架.. 我部notebook係無 floppy drive架…. 呀!! 好煩呀…

p.s. 早兩日收到town hall既舊同事打比我, 好感動呀!! 好多謝大家咁關心我, 雖然個天唔鍾意我, 但都係叫我o徙 d冤枉錢, 我touch wood都無咩病痛, 仲未死得…. 我會撐落去…

photos

I just update the photos in the flickr, you can just click the PHOTOS in the right bar, which is linked to it...

26-10-2006

今日收到個包裹喇, 好開心!!有衫著之餘, 仲有野食同埋新電話, 終於都可以接觸反個世界喇…

不過, 連個天都唔鍾意我!! 我岩岩發現我個法國電話卡係可能有錢架…因為我之前試過個電話傾傾下斷左, 所以我以為係d錢用哂, 仲走去買左張25歐既增值卷... 但今日無聊一查, 發現好似仲有錢剩 (好彩仲未用張卷..), 咁而家又要走去問下有無人要…唉!!我已經重複左一個法國電話卡無人要, 而家又咁… 真係有錢無“訂”洗咁…好窮呀….

24-10-06

成功完成左第一個任務, 話說我個手機聽香港來電的話會卡卡聲, 咁係一個星期內, 當然走去問佢換個部機.. 基於唔想次次都麻煩人, 所以自己一個膽粗粗地拎住幾隻key word法文走去同人換機… yeah, 個sales係識英文, 哈哈.. 所以半順利之下(因為人地係咁意都要留難下你, 不過死堅持), 如是者就完成喇… 不過, 可能真係網絡問題, 新機一樣會卡卡聲, 但機都換左, 梗係覺得呢部好用d喇…. heee

之於另一個任務 ─ 上網 ─ 就仲未可以成功地用自己部機, 好煩!! 原來一定要用無線上網, 咁我又要走去買… 唉!! 係呢度好似一直洗冤枉錢咁, 我無收入架而家, 窮!!!

Excursion

好?呀!!! 因為昨日跟左學校去郊遊, 去一個叫做Saint-Jean-de-Luz既海邊城市, 但唔知係咪香港成日都見到海, (我都叫做住係個島上廿幾年), 所以我真係唔覺呢度好靚.. 不過, 學同學講齋, “呢個係法國既海邊, 就夠喇!!! ” ok ok.. 但個城市就好靚, 好舒服! 如果係同自己心愛既人一齊, 咁就無敵喇, 因為呢個鎮, 係法國其中一個最美麗既城市….

去完天堂之後, 當然係要回歸現實, 回歸我既法文功課…咁就一日….. 法文真係深英文好多, 雖然我英文都唔見得好好…但起碼, 生字除左he/she/it要加s之外, 或者係要轉tense之外, 都仲係容易handle.. 法文就完全另一回事, 一個生字, 係唔同人 (係人—我, 你, 他/她, 你們/我們/他們), 個生字既串法係完全唔同, 即係一個生字, 你係要記6個串法, 咁仲唔代表一個意思有幾個唔同既講法, 同埋時態…. 淨係記字都好唔得閑… 所以, 每日既作業就係查字典… 加油!!!

20-10-2006

點解仲咁黑仔既, 今日拎埋部notebook去上網, 因為我見其他人都可以, 點知到我..當然地又係唔得喇….唉…惟有用反學校d機…但係..連我走個時都要比隻外表好溫馴既狗撲埋黎, 佢唔好要親熱你個隻, 係勢兇夾狼個隻… 喂, 大家都係條街度行, 比條生路好喎!! 唔係佢主人喝同拖住, 後果都唔知點喇…

另外, 新買既手機都有d問題, 聽電話會架架聲, 又成日pick-up唔到個電話, 即係又要去town度換…唉………….係呢度完全係考驗你既耐性同埋應變…果然羅馬唔係一日就有, 路亦都唔係得一條..大家都加油!!!

19-10-2006

過左好無聊既一日, 今日係學校所謂既活動日, 主要叫學生參加體育活動, 所以就唔洗上堂…但係miss當然唔會比我地咁好過, 佢一早比左2個task我地, 1)介紹你參加左咩活動 2)要訪問一個本地學生..如是者, 今日首要任務就係搵個學生完成份問卷..所以我同個英國籍同學就一心打算做完問卷就回家, 但個韓國妹就真係好有興趣去學跳舞….所以份問卷就只好去到舞蹈室先再找人做..好彩英國同學真係無浪費時間, 好快就比佢捉到2個本地學生妹, 咁我地兩個既功課就完成喇…..不過, 英國同學走個時, 我都選擇左留係度陪韓國妹, 佢真係一個好真, 好熱誠既人..睇佢玩hip-hop先好笑, 但佢都好enjoy…佢知道我地完成份問卷, 無怪我地唔理之餘, 仲話佢一定要搵個handsome guy做.. ok, 加油!!

之後因為場雨越落越大, 咁我就回家繼續我既溫習…因為知道個miss一定會叫我講, 所以我已經寫好個訪問同埋參加活動, 雖然語法就一定有錯, 但望住寫個一段法文, 好大成就感呀……

p.s. 好感動, 今日終於都食左個好好味既梨, 雖然佢要成港紙9.4一個, 好貴!! 但無計呢度無平..所以下次見到都應該還是會買..

18-10-2006

今日收到舊同事小ann既電話, 好開心呀!! 同埋都好感動, 好多謝咁多朋友仔關心我, 為我擔心..不過唔開心既事已經過去, 好運會來….

之但係上堂就好沮喪, 2個miss都好鍾意叫我回答或者朗讀生字/字句, 唔通我真係水平咁差…其中一個仲成日都覺得我好唔掂咁, 會係咁望住我, 睇我明唔明….唉…..唔好咁關照我, 我會有壓力…哈哈..不過對住miss, 唔明就應該, 所以我都由佢..但最煩係坐我隔離個美國妹, 佢爸爸係quebec 人, 咁佢梗係識法文, 佢就成日都唔信我既答案係岩, 次次都問其他人, 到我真係岩左, 佢就會好鼓勵咁話“good job”, 大姐!!我話哂都日日係屋企查字典, 錯10次都岩4-5次呱…好鬼老土….搞到我真係好唔掂咁…

另外, 為左唔好miss大家既call, 我既上課時間係咁..(法國時間慢香港6個小時, 11月起會慢7個小時, 我list既都係法國時間..)

Lundi (星期一): 0900 – 1100/1300 – 1500
Mardi (星期二): 0900 – 1100/1300 – 1500
Mercredi (星期三): 1000 – 1300/1430 – 1630
Jeudi (星期四): 1530 – 1830
Vendredi (星期五): 0930 – 1130/1230 – 1430

p.s. 我今日見到一群講廣東話既人, 唔知係廣東定香港人, 不過據我所知就應該得我一個 (因為得我係特別地indicate 香港), 但係唔知點解個刻反而即刻走開, 怕佢地會發現我咁..可能潛意識都唔想埋反香港堆呱….. :P

17-10-2006

終於都買左部新手機, nokia 1600, 如果我會係香港生活一輩子的話, 我想我一輩子都唔會買呢款…2個字 ─ 平實!!但係點都好, 叫做有部手機喇(同埋佢又平, 都係59?…好耐無咁節儉過..)..希望所有不愉快事會告終, 好運會來吧!!

大家要找我的話, 可以打 +33613271593 (用手機按), 我收聽電話係不用收費, 只係你地要俾錢, 所以..heeee如果大家唔介意既, 可以電我….

另外, 我要澄清, 我可不是每餐都大魚大肉的, 個美味海鮮餐係阿姐請架, 應該打後既日子都唔會咁豪…有朋友仔會來pau嗎?? 到時我會帶佢去請我食..哈哈….平時午餐就通常會係學校食, 晚餐就會自己煮通粉, 煙肉?麵包, 好清架!!因為呢度d食物都幾貴, 所以好多時都會買一樣分幾餐食….貧苦學生呢…哈哈…..

同埋我知道係學校邊度有得上網喇, yeah, 咁我閑日就可以上下網喇…但我都會以學業為重, 有咩電我得喇….

16-10-2006

又係呢句… 真係黑開有條路…話說今日終於都見平時食開個隻梨係超市有得賣, 綠色細細隻個隻, 但佢就係大隻版, 所以二話不說就買左2個…點知, 回到家一食, 酸到痺….coing!!就查下字典係咩字…..苦味?梨!!!!唔係化, 買都買到苦味….天呀, 仲有咩呀??? 我唔受得架…仲有一個未食呀…慘!!!

p.s. 今日?到學生証喇..yeah….

15-10-2006

今日是星期天, 照往常一樣,係全市休息…(不過今日比我發現係屋企附近有間麵包店有開, 真係估佢唔到…), 因為太無聊同太好天, 個天好藍好藍, 仲萬里無雲, 所以我都忍唔住地係屋企同學校範圍行左一圈…我諗呢2個星期我行既路, 差不多係我係香港行路既總和…anyway, 因為學校有好多草地同樹蔭, 所以今日行得好舒服, 同埋有好多一家大細, d阿b都好可愛架, 望住你會對你笑…好warm呀…..

話說回頭, 真係黑開有條路…當我下定決心去買部新手機個時, (因為見到sony ericsson j220賣緊59?, 仲要唔洗上台, 咁平平地咪買囉..) 點知人算不如天算, 間店盒就大把, 機就得2部, 仲要都係壞…天呀!!! 唔好玩我喇…如是者, 我又要繼續過我無手機既日子….呢日幾時先完呀….

p.s. 今日打電話回家先知係媽咪生日… bonne anniversaire!!!

12-10-2006

香港既朋友仔幫我買左部w850i喇, yeah…呢度我今日都見到, 不過要成499?, c’est cher!!!
不過我都會繼續用我部w550i, (當佢被整好之後), 因為我都係好喜歡佢…

教既野越來越多, 越來越多野要記, 好實呀個腦…其實我地班有幾個好掂, 都唔明佢地點解仲會分來同我一班, 我地係初到唔初既班黎架嘛, 比佢地拉高哂..不過都好係佢地會識答miss 既問題….heeee

之但係, miss好似好鍾意我咁, 成日都問我, 所以我每日係屋企都係做功課同查字典, 好乖架……

p.s. 今日終於都收到錢喇, 之前因為比少左個法國銀行code, 結果等左成個星期都無, 個戶口號碼無錯就第2日已經有…oh la la…anyway, 比左學費, 希望快d可以係學校上網..

11-10-2006

好鬱卒, 部手機真係死ed呀……呢度d手機真係超唔掂, 仲要好貴, 部“無得撈喇v3”要成199?, 如果你join plan, 就1 ?, 但係月費係23?/月, 1個鐘通話時間….咩plan呀!!!都係係香港買寄過來吧喇………wooo wooooo
呢度既生活費好貴, 大部份既物品都只可以係超市買到, 係我住既呢區係無街市架, 所以我一般都會係超市買, 每次都要格下邊樣減價邊樣平…都其實同香港無咩分別, 只係百佳同惠康, 呢度就獨市…anyway, 學校呢間算係平d…陰公….
今日去左韓國妹宿舍, 得喎!!好過中國妹佢地個d, 又平過我住呢度, 所以我都應該遲下會搬去個邊, 希望仲有位…下次都要捉埋中國妹去同我講下先…(因為佢地既法文得我好多… ^.^ )

10-10-2006

超黑仔呀…..部手機竟然係擒日hang機, 咁點算呀!!!!!
呢度d手機真係無部得架…好鬱卒呀…….想喊!!
另外, 銀行既匯款竟然成個星期都未有, 大家都仲要hsbc喎, 點搞架….

8-10-2006

今日阿姐就離開pau城去巴黎, 由聽日起就係我自己一個喇….好忐忑呀…
不過我一定會努力, 路總係要自己去行, 好也好唔好也好, 都只不過係一年時間, 起碼我仲可以回港…:P
補記反擒日既遠足先, 事緣擒日係學校安排既遠足日, 之前都唔係好樂觀, 因為一起身就係一場大雨, 但係係個遠足度, 又識左d新朋友仔, 好開心..有之前識落既中國妹, 新識多一個係來讀master, 佢都幾nice..另外識左個韓國妹, 佢同我地班個13點韓國妹好唔同, 比較文靜同識少少英文, 但法文應該比較好吧…仲有終於都見反個靚仔, 佢係香港大架, 係英國某大學主修法文, 來法國讀法文係想advance自己d法文(我地傾計都暫時係用英文架…), 雖然最終未交換名同電話, 但知佢係讀語文班, 總有機會相見.. heee
遠足結束之後, 同個2個中國妹入town meet阿姐一齊晚飯, 因為一路都好麻煩佢地, 同埋都想大家再close d…佢地2個都好好, 雖然年紀輕輕, 但都已經好識諗同好識照顧別人…可以同佢地做朋友係我既福氣…
p.s. 呢度d太陽仲好猛呀, 曬到人地都黑哂呀!!!!

6-10-2006

今日係第二日上堂喇, 但係好難去吸收呀..個腦都function唔到…點算??!! 班度既同學咩國籍都有, 大部份都好友善, 今日仲同個韓國妹做左朋友, 但好似每個國籍既人都會跟自己人走埋一齊, 咁我呢個來自香港既單一港人, 可以去邊堆??? 好想快d可以用法文溝通, 咁同唔識英文唔識中文既人都可以做朋友….交個法國朋友都好….靚仔, 我地有機會再傾計嘛….

萬事起頭難

呢句真係好有道理, 唔可以話後悔, 只係唔好擺到自己個位咁死..當你一句都唔識聽唔識講地生活, 真係好辛苦..日日都要生活係估估下既世界..好運既就有人幫你翻譯, 但唔好運既時候總會較多吧….有幾多個靚仔比你撞見….唉….但是..總要生活下去, 只係不停地帶比其他人麻煩, 真係pardon!!! (我發覺自己英文反而好左, 因為成日都會捉住d識英文/法文既人幫我翻譯…. T_T)
講下呢度既環境, pau呢個鎮既天氣都好飄忽, 時晴時雨, 時冷時熱, 可以早上13度, 但到下午有26度, 可以呢邊藍天白雲, 個邊落緊大雨…但佢有好多樹, 有銀杏樹(我的至愛), 有栗子樹(而家秋天, 真係成地都係, 但比d雨沖爛哂), 有紅紅黃黃既楓樹, 有謝哂既紫陽花(我另一至愛, 但係應該係夏天既花, 呢度都好多人種, 我個屋主都有種), 仲有好多好多我唔識既花花草草樹樹…..
人民方面, 整體都係nice, 但因為實在係溝通唔到, 所以要再努力…但真係好多人食煙, 男男女女老老少少都食….我只可好哩係室內, 因為室內係禁煙…可惜..
古蹟方面都有少少, 但真係唔係國際旅遊點, 全部係全部, 9 成9都係法文講解….咁唔係法國人就….又係估估下囉…

4-10-2006

錯!!錯!!錯!!
今日係校務處同個職員雞同鴨講個時, 突然有個好靚仔又識英文既人出現, 佢仲好好人咁幫我同個職員做翻譯, 好有耐心咁解決我既疑難之後先至問自己既問題….佢仲要係香港生活過, 識“少少”(由佢半喊淡既講法講出來, 好可愛…)廣東話, 所以錯!!錯哂!!應該係門口等佢問哂問題之後, 叫佢幫我解決埋電話同上網既問題…….匆忙間咩都無留底…點連繫……
好想再見到佢呀……..

new home

大家好!!
我而家係pau鎮, 入住係離學校只有五分鐘步行時間既家庭, 不過其實個屋主都只係一個單身女子, 約40歲呱…不過暫時佢都好nice, 唯一唔好係佢唔比你裝上網, 而佢間屋亦都係無架….所以要上網就要等返學校, 大家有咩事可以email我, 或者係我個blog度留言喇…
另一樣唔好係佢抽煙架..不過佢都只會係佢個廳(基本上我係唔會入), 其他時候同其他地方就唔多覺, 佢都應該避忌左….
我暫時呢3個月既地址係呢個:
Melle Cheng Chui Luk Tivona
Chez Mme Yaudet Sylvie
1 Cours Leon Berard
64000 Pau
France
如果有咩就寄比我喇…heee
p.s. 各友好, 呢個鎮行勻都係無LV或其他出名既名店, 只有好多caf?, 眼鏡店(??), 髮型屋(??)同麵包店..好生活既地方…

In Pau

I'm now in Pau la.. The city is so big, n i find a house near the universite with a single woman.

Unfortunately, the house hasn't got the internet.. so wait wait lor...

The Moment

作曲：陳忠義
填詞：廖瑩如

這一刻　回頭看見自己
這一路的風景　百感交集的我
下一刻　又將飛向哪裡
漸漸疲憊的羽翼　為你披上了勇氣

＊放心離開我　我會記得這一刻
　那些還飛翔著　不可思議的夢
　雨後的天空　會有絢爛的彩虹
　像最初相信著　我們總會找到自由（我會找到自由）＊

這一刻　時間變成行李
越過生命悲喜　陪伴著我前進
因為你讓我看清自己
面對未知的恐懼　腳步更加堅定

Repeat（＊）

哦……只是遠行　不是逃避
告別是為延續回憶永恆的華麗
你……要照顧自己　不要忘記
那些燦爛過的痕跡

Repeat（＊）

自由

飛喇..

等左好耐, 又好似突然間咁......我要飛喇...

可能用左d假期回鄉既關係, 我都無休息過, 好匆匆忙忙地就要飛來飛去...

大家要小心身體, 生活愉快, 工作順利呵.......

^___________________^

最後一個工作天

返埋今日就只剩下17號票房既工作...

做左5年半既崗位, 期間有憂有喜..當中喜多於憂, 係我既福氣, 亦都好多謝一直對我好包容既同事...大家就好似一家人咁..好唔捨得!!!

5年半既位置, 原來好似好少既資產, 都用左4大袋去清理, 一個位置的物品增值的同時, 你的思維有無增值同進步呢??我又有無呢??

還有最最後一個工作日..

p.s. 好多謝咁多同事比面同我食飯, 多謝你地貼心既禮物, 多謝你地同我留合照....多~謝~~

手機屏幕

中秋又快到...今年我會幫大家睇下外國既月亮係咪特別圓..哈哈...

Last Day - 下

估唔到仲有下文....

話說當我同高層反應左我係15號last day而唔係14號, 高層終於幫我出手..
高層: 老細, 翠綠係15唔係14號last day, 15號我放假, 所以先改係14號farewell..
老細: 哦! good呀! 15號咁我地可以睇住佢走..
高層: ..........(都話放假, 係你唔係我地...)

咁其實, 睇住我走有幾good呢??!!!!

Last Day

定左9月15日作為Full time份工既一個終結....

但係...唔知點解我老細係出比頂大老細個email度, 竟然話14號係我last day...咁!!我15號返工時, 佢咪係見鬼!!同埋我肯定比頂大老細串喇..老細!!你醒少少, 唔好玩我喇.....

所有工都辭哂喇, 應該最後開工係17號既票房, 咁我既事業就結束喇....哈哈...

手機屏幕

夏天...快完喇...

無左個秋天...

當各大時裝店秋裝開始出爐之時, 我先發覺...我既秋天無左...

因為, 當我由盛夏既香港, 飛到歐洲(不論英國或法國)都已經踏入冬天喇..平均氣溫都只係有10-12度...所以...

好掛住秋天呀....

(手羅)到喇...

好耶....我(手羅)到個學生簽證喇...
而家我萬事大吉, 只欠個順利同安全既航班, 我一定要hand carry同部ipod上飛機架...
s'il vous plait!!

辦公室政治??

我都知係公司係無祕密, 但都唔好扭曲...
話說當我同阿姐話唔再續新約個時起, 公司已經有一小撮一小撮既人係度"吱吱o尋", 我所知既係"佢會唔會帶頭帶人走..", "去法國咁怪"等等...
但係最新既版本, 竟然係話我"無得續", 而唔係我唔續....搞錯...
咁..我覺得比起院長公司既不挽留, 我好似仲慘...

手機屏幕

...花火會呀.......

一個二個都走...

繼我之後, 將會有另一位朋友選擇離開香港, 去澳洲做電波少年...肯定變一舊炭回來...anyway, 希望佢玩得開心...

文娛節目 (半月號 - 下)

因為暑假關係, 所以七月下半個月, 都睇左唔少係小朋友既節目..
"小王子"真人電影版
係198x年既版本, 所以都幾舊, 英文對白, 中文字幕..但入場佔六成係少過10歲, 我都唔明佢地明得幾多...就係大人如我, 小王子背後要帶既道理, 都係次次睇, 次次不同, 咁..d父母咁早帶d小朋友去睇, 為咩??
"我個名叫麥兜兜音樂小計劃"
另一個兒童熱門節目, 係聽小交響樂團演奏加教小朋友如何去聽音樂會, 例如應該幾時拍手? 唔好發出聲響等等...亦係咁, 如果唔係前排既小朋友係度玩同有少少麥兜動畫, 我都應該訓著左....
"Phantom of the Opera"
因為見有平飛, 雖然比較側睇唔到字幕, 但就超前...同個水晶燈平排, 正呀....其實之前已經睇過電影版, 覺得佢不外如是...但原來睇現場係得好多, 唔怪得佢長做長爆喇....
"世界兒童動畫 3"
係幾套短片一氣播放, 有d都幾好睇..但最唔得係有個唔知咩哥哥出黎搞氣氛, 個下先令人想走...
"軟硬Long Time No See" Concert
其實我對軟硬真係無咩"八十年代"情意結, 因為我係無聽過佢地個節目, 我只係純粹地陪朋友欣賞佢表弟既演出, 所以兩個病到死死下既人, 都睇到無咩feel.....(軟硬粉絲唔好打我....heee)

進展..

um ummm....
大家..我向法國之路又邁出一大步喇..heee
法國既語文學校已經正式收左我, 而家只欠個study visa, 就萬事大吉......heee
所以小女子會係9月28日離港, 現在....厚顏無恥地問下大家..
『有時間聚聚嘛???』

宮 - 劇照

中劇毒...

最近中左韓劇"宮" (中譯: 我的野蠻王妃, 好懶...)既毒, 因為無線收費台播緊, 但係播得太慢, 令人好心急...

為左佢我第一次想放假返屋企load黎睇, 如果而家係放暑假就好喇...咁就唔洗係公司咁辛苦....最衰係跟住又忙, 無咁多時間, 比錢買又唔捨得....好慘呀....

好想返屋企呀.....

心理測驗 II

Your Inner European is Russian!

Mysterious and exotic. You've got a great balance of danger and allure.

Who's" Your Inner European?

唔係嘛...

心理測驗

You Were a Fox

A good observer, you often watch others while remaining unseen. Cunning and courageous, you also have a gentle side.

What Animal Were You In a Past Life?

令我諗起小王子裡面既狐狸...

手機屏幕

Mont Saint-Michel

法國聖米歇爾山　水中孤島潮聖地
若果要再訪聖米歇爾山（Mont Saint-Michel），相信會是6年後的事了。法國當局正展開拯救工程，清除聖山周圍的淤泥，拆掉堤道重新建橋，務求重現潮漲時，海浪如萬馬奔騰般淹至聖山的奇景。歲月流逝，萬物改變，6年之後可能會更壯觀，但看過現在的聖米歇爾山，已足夠叫人回味。
天主教聖地在水中央
法國大文豪雨果曾說過：「聖米歇爾山對法國如同大金字塔對埃及一樣重要。」這亦是繼耶路撒冷和梵蒂岡以外，天主教第三大聖地，聖米歇爾山在法國人心目中有著無比神聖及重要地位。
聖山位於法國西北部諾曼第省，與大西洋為伴，從巴黎乘高速火車TGV及轉乘巴士前往，車程約4小時。聖山建在海灣的一座小島上，小島高度僅50.3米，連修道院的教堂才達150米，由於位於陸地和海洋交匯處，潮退時人們可徒步到島上，但當潮漲之際，就會變成在水中央的孤島。可惜時間關係，我只能來個一天遊便要返回巴黎，未能觀賞潮漲時之壯觀景象；不過，看到如斯宏偉建築，也不禁讚嘆古人的堅毅精神，皆因當年的修士和工人要穿越流沙，把一塊塊沉重的花崗岩拉上山頂。
天使指示依山而建
傳說公元708年，主教聖奧拔（St Aubert）於夢中3次得到大天使聖米歇爾的指示，因而在島上蓋建教堂，後來經過眾多建築師和藝術家的修建和雕琢，花了8個世紀之久，直到16世紀才完成今日的宏偉面貌。所有建築物皆依著圓錐形石山而建，高低錯落，兩棟三層高的大樓組成修道院的主要部分，造型猶如金字塔，穩固堅牢。 北側的哥德式建築物奇?樓（The Marvel），是修士起居之地，共分3層，地庫是儲物室和施捨房，貧窮的朝聖者可在此領取麵包和熱湯。中層有讓修士讀書和休息的騎士廳，還有接待有錢人的貴賓廳。奇?樓的頂樓，便是隱修院，這?有修士的食堂和露天花園，據說當年只有修士才可踏足，他們愛在此散步冥想。頂樓中央是修道院附屬教堂，教堂的尖頂是鐘樓，頂端放上聖米歇爾天使的鍍金銅像。
黃昏響警報司機即走
離開奇?樓，沿著斜路下山，街道兩旁盡是售賣紀念品的商舖，還有不少餐館、咖啡室及小旅館，感覺猶如小市鎮。這裡一到夏天便擠滿遊人，走在人頭湧湧的狹小街道，幾乎看不見前路，緩步返回堤道上的停車場，導遊表示，每天潮漲時，這?便會被海水淹沒，所以一到黃昏就會響起警報，島上職員亦會催促司機把車駛走。兩公里長的堤道，建於1877年，有說堤道令淤泥不能沖出大海，以致積聚於聖山周圍，所以在修建工程中將會被拆掉，取而代之是跨海大橋，橋上並加建環保的軌道電車接載遊客，工程完成後，遊客只可以步行或搭乘軌道電車前往，預料屆時又會是另一番面貌。
古典酒店尋巴黎舊夢
經過一天旅程，回到巴黎最想要一個舒適睡窩。Le Parc Paris Sofitel Demeure Hotel建築風格懷舊，只有3、4層高的樓房，像堡壘般四四方方呈井字形，中間設置露天花園，放了數十張?，在此吃飯歎咖啡，分外優雅悠閒。酒店共有116個客房，我的房間以棗紅色為主調，桃木的傢俬擺設，床頂連接天花掛有垂布，加上高床軟枕，頗有古時法國貴族的感覺。
遨遊備忘
當地團：聖米歇爾山一天團，於巴黎早上7點出發，晚上10點前返抵巴黎，包括交通接送及午晚兩餐，收費每位Eur 163（約$1,630）。網頁：www.pariscityrama.com
貨幣：歐羅（Eur），Eur 1約=HK$10，文中價錢已折算為港幣。

文娛節目 (半月號 - 上)

過左一半既七月份, 睇左"長髮幽靈", "李宗盛理性與感性演唱會"及"S.H.E.移動城堡演唱會"

"長髮幽靈"(反轉版)
因為一張宣傳單張就入場睇, 所以一路都只係知佢係講七十年代片場鬧鬼既搞笑話劇..
一貫既坐無虛席, 仲要有部份觀眾唔係第一次睇, 可見齣劇有一定程度的吸引力...但齣劇估到既有親情, 有愛情, 有搞笑, 有歌舞, 最估唔到係有驚嚇位...就係加埋d驚嚇位, 拉高左我比佢既分數...幾好幾好....

"李宗盛理性與感性演唱會"
開首都幾悶, 因為佢唱反自己頭個幾隻碟d歌, 鬼識咩... :P 到中間開始出嘉賓同唱d hit少少既歌, 氣氛就好好多...最唔開心係臨尾成龍出場搞亂擋, 比人超級喍台......何必...

"S.H.E. 移動城堡演唱會"
大部份歌都聽過, 但最欣賞係佢地既舞姿, 跟住跳的話, 絕對做到"舞哂脂肪", 慳反幾千架.....但最受歡迎時段係周董出場囉..咁...d人其實係為.......全晚最熟既歌叫"還是會寂寞"...哈哈....

文娛節目 (半月號 - 下) 節目預告: "小王子"(真人電影版), "我個名叫麥兜兜音樂會", "軟硬Long Time No See演唱會"等等....

手機屏幕

今期個七夕節模樣, 好卡哇兒呀...

What Color Green Are You?

You Are Emerald Green

Deep and mysterious, it often seems like no one truly gets you. Inside, you are very emotional and moody - though you don't let it show. People usually have a strong reaction to you... profound love or deep hate. But you can even get those who hate you to come around. There's something naturally harmonious about you.

What Color Green Are You?

寄左喇...

唔想再等..所以係未有保險之下, 都照寄博下先..
希望順順利利, 唔會等太耐喇.... (︶︹︺)

天呀..

意外又一次發生左...唉...

好意外地將我起左稿既學校申請表, 連同一堆要簽文件, 交比一個都好口疏既同事度, 就係咁..我相信好快會有半層樓既人會知─我係打算走...雖然呢度係無秘密, 但我無諗過要咁快比人知...

天呀, 唔好玩我喇....

這麼近, 那麼遠..

要踏上法國既路好難行呀...
等左好耐先等到份報名表, 而家又比份醫療保險阻住, 我想走呀....

女子支力...

生日週加上回鄉省親五天, 整整忙足兩星期, 身心俱疲..


好懷念呢個見證我成長既沙灘, 小時候每次回鄉, 都離不開呢個沙灘, 每次都要留下我的小腳印...但今次回去, 只可停十五分鐘..而童年玩伴已經都有兒有女...........沙灘已經係佢地既遊樂場....... 沙灘又見證新一代既成長...

手機屏幕

好醜樣..

個日係街度, 就係見到佢咁醜樣, 反而鍾意佢...
佢係"lilo & stitch 2"入面, lilo自己整既公仔, 其實個樣都幾嚇人, 但唔知呢......好鍾意佢咁唔完美...

The Da Vinci Code

達文西密碼

終於睇左, 仲要一係唔睇, 一係就連睇兩次(第二次係因為有張飛突左..)

其實成齣戲都比我想像中好睇, 係就係tom hanks個look唔得, 但其實佢都carry到professor要既野, 而個女主角audrey tautou雖然比較花瓶, 但都可接受呀...所以睇完第一次, 覺得齣戲都改編得幾好...
不過, 第二次係同一個睇哂本書既人去睇(其實我都睇哂, 不過只係可以記得個大綱, 好多細節都唔記得哂...), 經佢指點, 先發覺其實都改得幾多, 尤其個女主角係蠢左(其實佢有解到爺爺d數字謎), 個忠既警察比人利用左(佢應該係一路都知佢地係無辜所以要追蹤佢地, 保護佢地)等等...bty, 齣電影都情節緊湊, 又無冷場, 唔差喎...
p.s. 下次去歐洲都要做一次"達文西密碼"朝聖, 同埋好鍾意係巴士度出現既se新手機....:p

手機屏幕

十劃有一捌喇...

正正正....
終於都收到張申請表格喇...可以叫做踏出第一步...真係心花放........

手機屏幕

黑開有條路 - 阿姐(曙光??)篇

好彩仲有朋友... 謝謝院長..

係朋友相陪同據理力爭之下, 終於都換到部新機... 最總要係話比大家知 ─ 換野記得搵經理或者係話得事既人, 小薯仔最好唔好同佢拗, 得個勞氣 ─ 事緣我地同話得事既人講左部機易無電同係二手(因為已經入左小鳳姐既叉燒包係入面, nokia唔會咁有taste呱..), 佢就二話不說換比我地, 個小薯仔先至死死地氣換比我地, 仲博表現地set埋部機的日期時間等等..真係...CHEAP呀...

所以我話過, 大家唔好去豐澤買野, 咁大間舖都係呃人, 佢地會賣番有問題既二手機比人, 換貨時既態度又差, 學劉華話齊"今時今日咁既服務態度係唔夠架.." 我就唔會再去個度買野, 你地想比人呃就去喇...

>.<

黑開有條路...阿姐篇

真係..會黑到幾時??!!!! \ A /

先係五月要陀call機, 之前醫院水浸, 零晨3點call醒要佢做野, 而家仲打風..(都真係有人唔想打得成個風...)
然後個手提電話係醫院比人偷左, 焗住買部新之餘, 個新電話又好似舊電壞壞地, 拎去換又比人打回頭..(總之理由牽強, 又無過"保證可以換"期限, 我係唔會放棄架... )

黎明不遠了吧!!!

母親節快樂

祝各位母親大人身體健康, 心想事成(迫我地相睇除外..:p)

今年, 好有心地親手做左隻戒指比媽媽, 都幾靚...哈哈, 都有少少手工天份...
晒下先...哈哈...

小病是福..

糾纏了兩星期的腸抽筋, 今天終於都下定決心去看醫生, 但只是換來
"消化不良, 多吃蔬菜生果"............. ( * O * lll )
我都成日食架喇?!!

日有所思..

最近成日都發夢去旅行..

繼之前發夢再續台灣之行, 前晚又發夢同院長(定阿姐??)去左東京行街(因為係去beams, 所以應該係東京呱..), 幾時先會夢景成真... q_q

"你咪理, 我愛你, 死未?"

係..係我既錯..自己買飛都買左第三行既1 & 2位, 側到咩咁... Orz (今期興...hee)

不過, 都無損套話劇既娛樂性..其實, 貫穿整個話劇既主題就係個"愛"字, 透過不同的故事人物去表達不同人對愛, 對婚姻, 對男女關係的看法, 例如為左慳時間, 係第一次約會就預演埋分手後一年再見既場景; 做左第ｎ次既件娘, 對婚姻既嘲諷; 第一次做人爸爸既人生轉變(呢一部份真係笑爆..); 老年人既黃昏戀等等..在大笑背後, 都會令人去思考去咀嚼, 人生既愛就係呢d...

如果再有上演, 無論你係相信愛, 唔相信愛, 嫁好, 唔嫁好..都值得你入去一看..(我都要睇多次係坐中間既.. ^.^)

準時下班本來就是應該的

準時下班本來就是應該的 - 摘自天下雜誌

企管專家認為，不管辦公室有多少工作，時間到了最好就離開，不僅如此，最好五點就下班。「怎麼可能？那麼事情更做不完」你心裡不以為然的想。先別急，聽聽專家的理由是什麼。

1. 讓你更有效率：多數的辦公室工作十分繁瑣，沒有明確的開始與結束。正由於事情千頭萬緒，你很容易這個做一點、那個進行一半，結果沒有一件有結 果，迫使你以加班來趕工，一方面也安慰自己的心理。但是，如果你的下班時間是五點，那麼你就得盤算一下，在一天有限的時數內，該先做那些事？少和同事聊天，多用點時間思考都好！一昧埋頭長時間工作而不思考，容易做虛工，而且會失去看事情的整體觀。

2. 對你的上司有教育作用： 不要過度擴大上司對你的期望；如果你常常讓上司看到你留下來加班，他會開始認為你很願意加班，久了就變成你應該加班。不要讓上司以工作時間的長短來評估你的表現。

3. 對你的屬下有教育作用： 讓你的屬下學著在有限的時間內，分配工作的優先次序。明確的表示你下班就會離開，到時候他們應該完成的工作或報告，就應該交到你桌上。

4. 迫使你釐清價值觀： 想清楚你生命中最重要的是家庭或是工作？當然不加班、不拼命工作，可能讓你失去許多表現機會，錯過加薪與升遷。但是你不會辛苦工作像條狗似的，到了四、五十歲，突然覺得愧對家人、愧對自己的生命。

5. 讓你走在時代尖端： 企管顧問觀察到一個趨勢，這兩年愈來愈多的人認為，生命中比工作重要的東西還有許多；工作時間長的人不再被視為英雄，反而被看成不懂生命的人。現在懂得拒絕長時間工作的人，將是未來的領導人物。

6. 讓偶一為之的加班變得有趣：常常加班，同事之間會生膩，合作的興奮感也全無。如果大家平常準時下班，碰到緊急狀況或工作時，大夥晚上一起留在辦公室；有人從外面提了便當走進來，一邊吃飯、一邊討論，這時候很容易顯出團隊合作的革命情感。

7. 讓你免於枯竭的惡性循環： 你愈加班，愈覺得事情做不完；愈覺得事情做不完，工作就拖的愈長。這樣的惡性循環遲早會讓你崩潰。

8. 讓你善用休閒時間： 工作之餘的時間不應只是休息、睡覺，以便讓你第二天有精力繼續工作。何不培養些興趣？如果你五點下班，你可以有時間去學外語、去彈吉他、參加才藝活動，這會讓你成為一個更活潑、更有能力、更有趣的人。

9. 會讓你更健康： 並不是抽空去打球、上健身房、跳韻律操才叫使身體健康，人的身體也需要其他的方式來維持活力。比方說，好整以暇的喝杯茶、慢慢的品味一個甜美多汁的水蜜桃、靜靜擁抱你喜愛的人等等。而這些都不是每週工作五、六十個小時的人所能做的。

10.讓你更懂得去愛：你是不是很久沒有和三、五好友一起說笑狂歡了？你是不是每天都和另一半、和孩子或父母匆匆打個照面？你是不是難得和所愛的人交換生活的心情？ 五點一到，放下你的工作，多接近那些對你很重要的人。以後他們記得的不是你的升遷、你的成就，而是和他們共處的時光。

麥子, 名兜, 字仲肥...

http://www.rthk.org.hk/tvcommissioning/mcdull/index.htm

一套應該好好笑及教育意義既節目, 但可惜呢2個星期都要開工, 大家有時間記住睇...

太無聊..

因為實在係太無聊, 所以係yahoo度search下究竟"tivona"有幾多個網站...













結果, 好驚!!第一個就係上面呢個(估佢唔到!!)...之後












就係呢個...
果然係網絡資訊發達既年代, 除非你唔用, 否則都無咩私隱..

[係google, 仲有阿拉伯文既tivona web-site, 勁呀!!]

手機屏幕 - Pinky

躍動的心 - 停不了

e-2-fly為港龍航空網上訂票服務之一，讓您以最特惠的票價，預訂二人或以上的電子機票前往港龍航空各個旅遊熱點。現在e-2-fly再次帶給您額外的旅遊優惠，您只需以每位港幣2,120元或港幣1,820元的優惠價便可以前往北京或上海。除此以外，港龍航空更送您全程免費住宿，讓您享受一個寫意悠閒的春日之旅。

目的地 免費住宿票價
-->北京
3 晚住宿於北京嘉里中心飯店 (香格里拉酒店集團成員)港幣2,120元
-->上海
2 晚住宿於上海巴黎春天大酒店港幣1,820元

現在就感受北京及上海的活力-前衛酒吧、頂級食肆及大型商店林立的動感之都。是時候體驗這個萬分精彩的中國，享受一個與眾不同的假期。 請把握良機，在72小時內訂票！

平安大吉..

第一次自己一個返大埔.. 無迷路, 無做錯事(呱??!! hee), 只係係5點先發現個mic既開關係個度(之前係嗌..), 6點先發現原來搵極都無既外賣紙係個度(最後請左清潔叔叔幫我買下午茶..), 其他一切順利...
聽日要挑戰上水喇...唉....

手機屏幕 - Pinky