下星期開學喇..

終於都等到下星期開學, 可以結束我既隱蔽青年日子..

其實呢幾日都有去學校度辦理學生証, 法文分班試等等.. 所以我又識左個韓國妹(唔同科, 但我地法文相約, 應該會法文同一班, 年齡都相約, 所以都幾好傾..), 同一個北京女生(只有23歲, 但係同科同學).. 由職員提供, 應該仲有個廿幾歲既香港仔, anyway, 由於10月係加開既預備班(正式開學日係出年1月), 所以目前只係6-7個學生上堂.. 咁.. 究竟會點上堂? 我都唔知..

只係知道, 我下星期一就要上朝早8點半既法文堂.. 人都癲, 我而家係訓到"黃朝8晏"先起身.. 真係一個大挑戰... 下晏會係開學簡報會, 星期二有英文考試(擔心.. 所以已經去圖書館借文法/生字書..)

到時就會知道, 我到底係讀一年定兩年(因為聽聞我係讀一年就畢業..??)