19-10-2006

過左好無聊既一日, 今日係學校所謂既活動日, 主要叫學生參加體育活動, 所以就唔洗上堂…但係miss當然唔會比我地咁好過, 佢一早比左2個task我地, 1)介紹你參加左咩活動 2)要訪問一個本地學生..如是者, 今日首要任務就係搵個學生完成份問卷..所以我同個英國籍同學就一心打算做完問卷就回家, 但個韓國妹就真係好有興趣去學跳舞….所以份問卷就只好去到舞蹈室先再找人做..好彩英國同學真係無浪費時間, 好快就比佢捉到2個本地學生妹, 咁我地兩個既功課就完成喇…..不過, 英國同學走個時, 我都選擇左留係度陪韓國妹, 佢真係一個好真, 好熱誠既人..睇佢玩hip-hop先好笑, 但佢都好enjoy…佢知道我地完成份問卷, 無怪我地唔理之餘, 仲話佢一定要搵個handsome guy做.. ok, 加油!!

之後因為場雨越落越大, 咁我就回家繼續我既溫習…因為知道個miss一定會叫我講, 所以我已經寫好個訪問同埋參加活動, 雖然語法就一定有錯, 但望住寫個一段法文, 好大成就感呀……

p.s. 好感動, 今日終於都食左個好好味既梨, 雖然佢要成港紙9.4一個, 好貴!! 但無計呢度無平..所以下次見到都應該還是會買..