好過份呀.. 我地呢度星期六同日竟然係無人做清潔, 即係話無人會洗廁所同沖涼房.. 一層有咁多間房, 有咁多學生, 會有咁多人共用, 竟然佢地可以唔理, 就咁自己放假.. 個廁所而家真係好嚇人, 聽日仲唔知點算.. 對上個聖誕節佢地都好似放左2個星期, 個廁所就咁2個星期無人洗, 聽聞超得人驚.. 我個次旅行避開左, 但3月我地又放假, 我今次無得走呢.. 希望佢地唔會放喇.. (因為我地係放semester break..)
另外, 大家有無咩方法防上掉頭髮?? 因為好多人都話法國既水, 飲得多會掉頭髮, 就連法國人自己都係買支裝水返屋企, 佢地都唔會就咁飲水喉水, 雖然我已經特登買水煲煲過d水先飲, 但都真係好似頭髮又少左d咁.. 我而家都只好好似佢地咁特登買水飲.. 好彩d水都唔會好貴, 但長此下去都唔係辦法.. 周醫生有無辦法呀…
1 comment:
我幫你問左法國阿姐啦，佢話法國水係“hard water”，當中有很多石灰成份，所以法國人都係買水飲，佢係法國時飲煲過既水就唔覺有咩唔妥(佢宜頭無事啦)，但定居法國阿叔就叫佢買水作食用。除左咁之外，佢話會唔會係天氣凍超乾燥，當地買既洗頭水又唔係好好質素，所以影響到呀?!!仲有成身都要搽多些lotion，因為真係好乾燥同皮膚會好乾，乾到痛架!!!
Post a Comment