好驚呀!! 今日上左第一堂, 我真係編左去第二班, d人既法文都好勁, 今日已經有個韓國妹要求調去低班喇.. 不過 “有人辭官歸古里, 有人漏夜趕科場”, 之前個班既委內瑞拉女生就好不滿佢入得第一班, 終於佢聽日都入第二班.. 唉!! 我仲係度鬼咁擔心自己跟唔上, 偏偏就有人死都要讀高班, 我情願好似韓國妹同英國太咁, 係負一班度讀, 佢地都不知幾高興.. 但又覺得呢個係一個好好既進步機會, 因為d老師都出名好人同一定會有大進步, 咁又無理由上一日就放棄, 咁又好似有d那個.. 努力下喇.. (雖然聽聞話因為太多人要讀第一班, 所以將d有可能有咁既能力既人升到第二班, 我就正正係呢隻..)
另外, 放學之後都趁惡夢未開始之前, 同韓國妹去睇左套韓國電影 “the host” (我唔記得左佢中文譯做咩), 都幾好睇, 同埋好多位諷刺美國人同sars個期既現象 (街上個個載口罩, 要入渡假屋等等, 都幾搞鬼), 不過最估唔到係個女都要死, 好可惜, 佢咁努力地生存下去, 但係都… 我都要學佢咁, 將自己“致諸死地而後生”吧.. 死就死喇, 學好法文佢..
1 comment:
咁你就睇定d啦,如果你真係跟唔上,調班會好d,我讀日文果時都係編左我去高班,追到我死死下,d同學又唔順跟,讀得好唔開心,日日都好唔想返學,後來我要求調低一班,去左阿編劇果班,班同學大家都差唔多程度,冇追得咁辛苦,反而讀得好開心,好有滿足感.
Post a Comment